Ca participación de 400 nenos e nenas de toda Galicia e máis de 82 equipos, a cidade de Ourense converteuse no epicentro do voleibol galego cando o pasado domingo 26 de febreiro, os Pavillóns Municipais Paco Paz e O Pompeo foron o escenario da segunda proba do Campionato Galego Benxamín/Prebenxamín + Copa Alevín de voleibol.
O evento, que tivo lugar dende as 09:30 ata as 20:30 horas, contou con 14 pistas habilitadas para o disfrute dos mozos deportistas, que demostraron a súa paixón e habilidade en cada partido, segundo informa a Federación Galega de Voleibol.
Esta segunda proba, celebrada en Ourense, é parte dunha competición que consta dunha primeira fase de grupos, seguida de eliminatorias nas que os equipos mellor clasificados loitan polos primeiros postos. Durante toda a xornada, vivíronse intensos enfrontamentos que mantiveron aos espectadores no bordo dos seus asentos.
“O éxito deste torneo non tería sido posible sen o esforzo e a colaboración do CV Ourense, o CV San Martiño, o Concello de Ourense e o Consello Municipal de Deportes de Ourense, quen traballaron incansablemente para garantir o éxito do evento”, afirman desde a Federación Galega de Voleibol.
Esta competición continúe atraendo a máis participantes en futuras edicións, grazas ao entusiasmo e ao espírito deportivo demostrado por todos os involucrados. A vindeira proba celebrarase na provincia de Lugo na fin de semana do 23 de marzo.
