Van xa catro veces consecutivas nas que Belén Toimil acada o título de Campioa de España de lanzamento de peso. Esta vez fixoo ademais na casa, en Galicia, nas pista cuberta de Expourense, e superando os 18 metros. A olímpica galega asinou a mellor marca española do ano en lanzamento de peso feminino cun terceiro intento que chegou aos 18.23.
Podio Peso #CEatletismoST
@belentoimil (18.23 m) RC
Mónica Borraz (15.16 m)
Eva Cuenca (14.43 m)https://t.co/lRKbTJtCYl @teledeporte
https://t.co/fyQ8xy4veQ pic.twitter.com/1qXaGYq2Xm— atletismoRFEA (@atletismoRFEA) February 17, 2024
A plusmarquista estatal de lanzamento de peso, Belén Toimil, cumpriu prognósticos ao se proclamar campioa de España nesa modalidade no Campionato de España Short Track. Pero o mellor foi a marca e as sensacións que a propia atleta trasladaba ante as cámaras da RFEA ao final da súa competición.
Logo da competición a deportista galega declaraba: “Viña moi nerviosa e estou moi contenta. Que sexa en casa con toda a familia… viña nerviosa. Cústame meterme en zona. Fixen un esforzo psicolóxico co meu psicólogo, José Lombo, para preparar esta competición. Unha vez en pista atopeime moi ben, agustísimo. Sabía que podía voltar aos 18. De aquí para arriba. Quédame ata finais de xuño para buscar a clasificación para París. o Mundial era moi difícil, sabíao. Pero o importante son os Xogos e estou moi contenta por que estou no camiño”.
Toimil: “O importante son os Xogos e estou moi contenta por que estou no camiño”
Tal e como explicaba a atleta de Mugardos: “Trátase de intentalo e intentalo, e ir a unha competición e facer 6 nulos, e facer 17.80… Pero se sabes que estás traballando, adestrando, é intentalo, por que ten que saír, non se sabe cando. Se non saía, pois mala sorte, pero eu sabía que podía. Quería facer un 18 en pista cuberta, sei que é mínima para o Europeo, pero non é mínima de nada para París, pero é un bo comenzo. Sobre todo a potencia e as sensacións que sentín quedo con elas de cara a futuras competicións”.
Cuarto título consecutivo para @belentoimil en el peso del #CEatletismoST
18.23m pic.twitter.com/Pou1pm5RZo
— atletismoRFEA (@atletismoRFEA) February 17, 2024
A galega Belén Toimil era a favorita ao título. E cumpriu as expectativas depositadas nela. Despois dun segundo intento de 17.78, no terceiro foise ata 18.23, unha distancia que representa a mellor marca española do ano e récord dos campionatos, batendo a plusmarca de Martina da Puente de hai 28 anos (17.94).
Non se desconcentró a de Mugardos, e na quinta tentativa alcanzou 18.03, para terminar cun lanzamento de 17.27. Polo tanto en dúas ocasións estivo por encima desa marca de 18 metros.
Cuarto título consecutivo para Belén Toimil
Trátase do cuarto título consecutivo para Belén Toimil, que non ten rival en España. A prata adxudicoulla a leonesa Mónica Borraz, cun bo lanzamento de 15.16, e o bronce foi para a madrileña Eva Cuenca, con 14.43 na súa última tentativa, arrebatándolle a medalla á valenciana Judit Prats, que lanzara 14.37 ao iniciarse o concurso.
Coa mirada en acadar a mínima para París, Belén Toimil amósase segura de que o traballo duro dará froitos.
