- As Loitadoras do CV Arenal Emevé non deron opción a Kiele e mantéñense na loita polos postos de honra na Liga Iberdrola de voleibol
O CV Arenal Emevé segue vivo na loita por entrar nos play-off e faio despois de vencer con claridade a Kiele Socuéllamos por 3-0. Todo cumprindo cos desexos expresados polo seu adestrador as últimas semanas: gozando, ensinando o aprendido ao longo do ano e facendo do Municipal un fortín.
O inicio do partido das xogadoras que adestra o técnico Pascual Saurín foi un auténtico vendaval que pasou por encima de Kiele Socuéllamos cun parcial 5-0, obrigando a Chema Rodríguez a pedir tempo morto.
Nin o primeiro parón, nin un segundo con 12-6 serviu de nada ás manchegas, que vían como o CV Arenal Emevé dominaba con firmeza o primeiro parcial. As locais, moito máis acertadas en todos os aspectos do xogo, vían a piques de pechar o set con 24-15, cando unha lesión no xeonllo da visitante Carolina Watkinson xeou o sangue do Municipal. As de casa pecharon a manga 25-17, pero iso case era o de menos.
Esporeadas pola dor da súa compañeira, as socuellaminas dominaron o inicio do segundo, no que chegaron a distanciarse ata en seis puntos (6-12). A chamada de Pascual Saurín á lousa foi absolutamente efectiva para as súas que, a base de bloqueos, foron capaces de igualar o partido (12-12). Desde ese momento Mame Diouf e Karyna Malachias apropiáronse do centro da rede para aos poucos minar a confianza dun Kiele Socuéllamos que vía cada vez máis preto o 2-0. Unha vez por diante, as lucenses só tiveron que limitar os erros para acabar selando o segundo por 25-20.
O terceiro set, definitivo para o CV Arenal Emevé
A partir de aí o duelo comezou a parecerse moito ao de hai unha semana fronte a Haro: as visitantes facían esforzábanse por manterse con vida, pero a cómoda renda dáballe ás de casa a tranquilidade necesaria nos momentos decisivos. Ese estado de ánimo víase plasmado nas fintas de Patricia Aranda ou na solidez de Mame Diouf na rede e con esa suficiencia o Arenal Emevé acabou pechando o terceiro por 25- e o choque cun cómodo 3-0.
💙🤍 Después del partido, hemos hablado con nuestro entrenador Chema Rodríguez y nos ha dicho esto 👇
Vídeo gentileza de Pedro Carrizo (@ttescarrizo). #GlobalcajaConElDeporte #TeamCLM #SomosDeporteCLM#AytoSocuellamos#DiputacionCR #UCLM pic.twitter.com/jPu0qA58Kx
— CV KIELE Socuéllamos (@voleykiele) February 17, 2024
FICHA TÉCNICA
3) CV ARENAL EMEVÉ: Alejandra Pérez, Zoi Mavrommatis, Patricia Aranda, Karyna Malachias, Lucía Prol, Mame Diouf -Inicial- Lida Figueira (Libero), Carolina Camiño, Ainara BURGO, Belén Carro
0) KIELE SOCUÉLLAMOS: Anne Cengotitabengoa, Laura Pascua, Renata Benedito, Angie Velasquez, Amelia Porteiro, Bashorun – Inicial – Eliana González (Líbero), Watkinson, Javiera Plasencia, Mariña Martí
PARCIAIS: 25-17 (21’); 25-20 (23’); 25-20 (26’)
EQUIPO ARBITRAL: Marta Gauchia– Alejandro Sanabria
INCIDENCIAS: Partido correspondente á decimonovena xornada da liga Iberdrola disputado no Pavillón Municipal de Lugo diante dunhas 350 persoas como espectadores do acontecemento deportivo.
