- Belén Carro atesoura un gran palmarés na area a pesar da súa mocidade, cun ouro nos Xogos Mediterráneos, dous campionatos de España ou a vitoria na proba de Madrid no World Tour, entre outros.
- A nova incorporación das Loitadoras é unha das maiores figuras do Vóley-praia estatal e chega para sumar competencia á posición de oposta.
- “Belén daranos moitísimo a nivel competitivo e mesmo de experiencia. Estamos seguros de que
tamén contaxiará ás súas compañeiras da súa ilusión por esta nova etapa”, conclúe o Mánager Xeral do Arenal Emevé, Rubén López.
A xogadora madrileña de 24 anos Belén Carro incorpórase ás filas das Loitadoras co CV Arenal Emevé ata final da presente tempada 2023-24 para sumar competencia na posición de oposta.
Desde os seus primeiros pasos no CV Majadahonda, Belén Carro converteuse axiña nunha das grandes promesas do vóley-praia en España e aos poucos foi confirmando esas expectativas a base de títulos.
Palmarés de Belén Carro
No vóley-praia, ademais dos Campionatos de España en categorías inferiores ou a prata no Wezva Sub-17 ou os bronces no Campionato do Mundo Sub-21 e de Europa Sub-22, o seu primeiro gran éxito foi a medalla de ouro nos Xogos do Mediterráneo de 2018.
Todos estes logros, ademais de varias Copas da Raíña ou os dous últimos Campionatos de España logrounos da man da súa parella na area, Ángela Lobato.
Rubén López, mánager xeral do CV Arenal Emevé: “Belén Carro daranos moitísimo a nivel competitivo”
O Municipal lucense poderá vibrar o que resta de tempada coa pegada dunha xogadora “que nos dará moitísimo a nivel competitivo e mesmo de experiencia. Estamos seguros de que tamén contaxiará ás súas compañeiras da súa ilusión por esta nova etapa”, conclúe o mánager xeral do CV Arenal Emevé, Rubén López.
