Un trío de ases constitúen as incorporacións do Ourense OnTime para o curso 2023-24. A adestradora, Mondo, conta con tres incorporacións nas filas do conxunto ourensá que mudou de patrocinador e tras anos co apelido “Envialia” esta tempada pasa a chamarse OnTime.
As tres fichaces do Ourense son: Sara Soares, Ana Rivera e Raquelilla.
A retirada dunha xogadora como Vane Barberá (que se mantén ligada ao club integrada no corpo técnico) case obrigaba a buscar un recambio de empaque para a portaría. Ese reforzo chega desde Brasil. A cancerbeira Sara Soares, procedente do Torreblanca Mellilla (que adestra Morenín, ex entrenador das ourensás) e defenderá a portaría ourensá xunto a Uxía.
Trátase dunha cancerbeira internacional coa Selección Brasileira que antes do Torreblanca xogou no Guadalcacín. Xoga ben cos pés polo que chega a incorporarse ao ataque.
Regresa ás filas do Ourense OnTime Ana Rivera. A futbolista estivo nestes anos na AD Alcorcón FSF, no Poio Pescamar e no Pelletterie (en Italia). Regresa agora a “casa”. No Ourense OnTime destacan del ao seu “desborde, calidade, finalización, velocidade, verticalidade e sen dúbida o esforzo no aspecto deportivo, como no persoal e emocional”.
Completa o trío de ases Raquelilla. Una futbolista que tamén ten verticalidade,calidade e capacidade para desbordar. Xogou no Universidad de Alicante, e chega desde o equipo La Boca Te Lía Futsal de Alcantarilla (Murcia).
Renovaron nas filas do club ourensá futbolistas como Marta, Iria Saeta, Sara Moreno, Judith, Sandra, Amelia, María Arias, Vera Rivero, Uxía Rodríguez, Chiky, Zaide Pérez, Candela, Clara Fernández ou Jenny Lores.
Cambio de patrocinador para o Ourense que muda Envialia por OnTime
