O pasado 1 de xuño abriuse o plazo de 10 días hábiles para presentar as candidaturas para presidir o Club Balonmán Atlético Guardés. Nese periodo, unicamente Jesús López González (Valladolid, 5/11/1971) se postulou como candidato, polo que a Xunta Electoral proclamouno hoxe como máximo dirixente do equipo de A Guarda. Deste xeito substitue a Jose Manuel Silva que estivo ao frente do club ata esta tempada ata que a directiva dimitiu en bloque no mes de xaneiro.
Esta misma mañá, o novo presidente comunicou nunha carta os motivos que o levaron a presentarse e o futuro que espera para Atlético Guardés. Jesús López, leva vinculado desde hai seis anos ao Atlético Guardés, pero que esta tempada estivo lonxe club por motivos persoais. “Fai uns meses, os meus compañeiros, os mesmos cos que iniciei aquela aventura, presentaron a súa dimisión en bloque como un toque de atención, unha petición de axuda que moitas persoas atenderon”, afirma López.
Iso, sumado ao seu compromiso co club, levouno a dar un paso á fronte e seguir traballando para que Atlético Guardés non desaparecese ou deixase de existir tal e como se coñece hoxe en día. “Basta con estar un sábado na Sangriña para ver na cara da xente canto necesita o balonmán feminino e canto necesita o Guardés”, sostén o novo presidente, engadindo que “as nosas xogadoras da base, as súas familias, as penas de afeccionados, ata os nosos veciños máis maiores e moitas persoas que nos visitan ata doutros clubs”.
Jesús López González, presidente do Mecalia Atlético Guardés: “Basta con estar un sábado na Sangriña para ver na cara da xente canto necesita o balonmán feminino e canto necesita o Guardés”.
Nuns días presentarase á nova Xunta Directiva na que seguirá habendo nomes coñecidos e que chega chea ilusión e pensando no presente pero tamén no futuro do club.
Jesús López, satisfeito co grupo de traballo
“Por sorte, hai moitas persoas da sociedade guardesa que deron un paso á fronte e grazas a iso poderemos conformar un grupo de traballo numeroso e con moitas ganas de seguir facendo realidade a posibilidade de seguir soñando na Liga Guerreiras Iberdrola, na Copa da Raíña e na competición europea”, defende Jesús López. Para todo iso, afirma, queren seguir contando cos nosos alicerces: as nosas familias da base, socios, institucións públicas, empresas da zona, pequenos comercios… todos xuntos aportando, sumando e crecendo.
Jesús López González, presidente do Mecalia Atlético Guardés: “Por sorte, moitas persoas da sociedade guardesa deron un paso á fronte e grazas a iso poderemos conformar un grupo de traballo numeroso e con moitas ganas de seguir facendo realidade a posibilidade de seguir soñando na Liga Guerreiras Iberdrola, na Copa da Raíña e na competición europea”
Aínda que nos próximos días iranse dando máis detalles, a xunta directiva marcouse unhas liñas para empezar a traballar sen perder nin un minuto. Por exemplo, coidar á base: un valor de futuro. Organizar un Campus de Verán e crear un torneo para as categorías inferiores que se converta nun referente, son algúns dos nosos propósitos.
Jesús López González, presidente do Mecalia Atlético Guardés: “Como podedes ver, temos moito traballo por diante.
Jesús López sostén que “ao mesmo tempo haberá que mellorar a estrutura e o organigrama do club, organizar as competicións, asegurar a estabilidade económica, intensificar as nosas relacións coas institucións públicas, recuperar aos socios que descoidamos… e seguir facendo máis grande o noso Guardés e ao balonmano feminino.
Remata a carta cunha frase que denota o seu compromiso co club: “Como podedes ver, temos moito traballo por diante. Poñémonos a iso. Esperámosvos cos brazos abertos na Sa
