A liga Guerreras Iberdrola volvía con forza este 2024 ao Porriño. O ‘Partido Estrela’ da xornada 14ª tiña como protagonistas ao Conservas Orbe Rubensa Bm Porriño e ao Replasa Beti-Onak, sexto e noveno clasificados respectivamente.
Ao ritmo do cántico da base porriñesa, o Replasa Beti-Onak poñía en xogo a bóla e estreaba o electrónico co lanzamento de María Grasielly. A resposta veu co gol de Carme Castro desde o extremo dereito para poñer o empate, que non tardaría de romper Aitana Santomé cun gol de contrataque.
O ataque porriñés, baixo as ordes de Caro Bono no central, optaba por un ataque acougado e con moito movemento de balón para conseguir ocasións claras de lanzamento. Pasados os primeiros 10 minutos, o marcador estaba en igualdade (4-4).
O ataque do Replasa Beti-Onak mantíñase cos goles da brasileira, María Grasielly, que estaba a botar o equipo ás costas na faceta goleadora. Pola súa banda, o banco galego empezouse a mover pasado o primeiro cuarto en busca de probar novas opcións.
A pesar diso, nesta primeira parte o Replasa Beti-Onak estaba a ter máis sorte para portería e entrados no minuto 20, o marcador estaba das visitantes (8-7). O Conservas Orbe Rubensa BM Porriño non tardaría en empatar, esta vez da man doutra das súas zurdas, Maider Barros.
O encontro estaba moi igualado e o intercambio de goles entre ambos os equipos mantíñase. Coa oportunidade de poñerse dúas tantos por encima no resultado, Ismael Martínez pediu o primeiro tempo morto do partido (min. 28:48) e fíxoo co gol de Mica Casasola.
A resposta foi un novo tempo morto, esta vez de Miguel Etxebarria (min. 29:13). Con todo, a xogada ensaiada non terminou en gol, xa que Ana Palomino apareceu baixo paus. Chegou o descanso e o equipo local foise dous goles arriba (12-10).
O BM Porriño iniciaba o segundo acto por diante
A segunda parte abriuse co gol de Paulina Buforn, que aumentaba a diferenza a tres goles no resultado. O tempo transcorría e o Conservas Orbe Rubensa BM Porriño mantiña o ritmo de partido.
Ambos os equipos entraron nunha etapa de erros e na que ningún dos dous conseguía o gol. Más de sete minutos pasaron ata que Mariana Costa sumaba o seu primeiro no minuto 10:36.
O Conservas Orbe Rubensa BM Porriño mantiña o seu defensa 6:0 con presións nas laterais navarras e provocando que o xogo das visitantes fose máis lento polo movemento de balón. Na metade da segunda parte, as galegas con 16-13 ao seu favor apelaban á calma para non cometer precipitacións innecesarias. Pola súa banda, o Replasa Beti-Onak estaba bloqueado ao non ser capaz de superar a barreira dos tres goles de diferenza.
As locais continuaron co seu xogo e mantendo o ritmo de partido. Este bloqueo en ataque fixo que o técnico do Replasa Beti-Onak solicitase un novo tempo morto (min.21-57, 19-15). A pesar das indicacións, o Beti-Onak continuaba sumando perdas que permitiron aumentar a renda ata os cinco goles de diferenza a favor das galegas. María Grasielly, a máxima goleadora do partido con sete tantos, mantiña o gol no ataque das navarras.
A falta de cinco minutos, o Conservas Orbe Rubensa BM Porriño tiña un 17-21 ao seu favor. As perdas de balón dos seus rivais estaban a beneficiar ás galegas que, a pesar de estar a cometer erros, estaban a ser eficaces en ataque. Chegou o final do partido e o Balonmano Porriño sumaba unha nova vitoria en casa cun resultado de 21-18.
O Conservas Orbe Rubensa BM Porriño e o Replasa Beti-Onak volverán enfrontar o vindeiro sábado, 20 de xaneiro, ás 18:00 horas no Polideportivo Municipal Hnos. Indurain. O equipo gañador estará presente na Copa da Raíña que se celebrará en San Sebastián.
FICHA TÉCNICA
21) CONSERVAS ORBE RUBENSA BM PORRIÑO: Carolina Bono (4), Mica Casasola (3), Alicia Campo (1), Malena Valles (1), Aitana Santomé (2), Maider Barros (4), Sarai Samartín, Paulina Buforn, (3) Carmen Prelchi, Thais Fermo, Carme Castro (2), Maddi Bengoetxea (1), Ayelén Rosalez e Ana Palomino.
18) REPLASA BETI-ONAK: Adriana Mallo, Graciela Ayelén, Eider Hernández (2), Lucía Zamora, María Grasielly Brasil (7), Macarena Sans (3), Almudena Gutiérrez (1), Paula García, Gabriela Romero, Laida Urbitarte, Valeska Lovera (2), Kelly Nnonzie (1), Nerea Canas, Mariana Costa (2), Patricia Encinas e Olaia Luzuriaga.
MARCADOR CADA CINCO MINUTOS: 2-1, 4-4, 5-6, 7-8, 9-10, 12-10 – descanso – 14-11, 14-11, 16-13, 18-14, 21-17 e 21-18.
EQUIPO ARBITRAL: La pareja arbitral estaba formada por Jorge Muras y Tomás Fernández. Por parte do Conservas Orbe Rubensa Bm Porriño excluíron a Carmen Prelchi e Carme Castro. No Replasa Beti-Onak excluíron ás xogadoras Mariana Costa e Almudena Gutiérrez.
INCIDENCIAS: Partido correspondente á 14ª xornada da Liga Guerreras Iberdrola marcado como el “Partido Estrella” pola RFEBM.
