O pavillón da Sangriña, na Guarda, quenta motores para acoller o derbi galego do balonmán feminino. Desde as 17:30 horas do sábado 16 de marzo o Mecalia Atlético Guardés recibirá ao Conservas Orbe Rubensa BM Porriño nun cruce no que gañar sempre sabe a máis que dous puntos. Cuartas fronte a quintas, separadas por tres puntos na táboa. O partido póderase seguir ao vivo por Teledeporte e RTVE Play, e tamén na TVG.
🚨 Retransmisións de hoxe sábado
⏰ 17:30h @Atlguardes_ofic – @BmPorrino
🤾♀️ Derbi galego no balonmán feminino
📲 En directo en https://t.co/omV1MKPHyx pic.twitter.com/gF4HjpGLJS
— En Xogo tvG2 (@EnXogo_tvG2) March 16, 2024
O conxunto miñoto non quere perder a posibilidade de colocarse na cuarta praza, mentres que as do Porriño buscan asegurarse ese cuarto lugar coa mirada posta no play-off e ser, dese xeito, cabezas de serie.
A falta de dous encontros para o fin da fase regular da liga Guerreras Iberdrola, na parte alta da táboa todo está por decidir. Mañá sábado 16 de marzo ás 17:30, o Mecalia Atlético Guardés recibe ao Conservas Orbe Rubensa BM Porriño. O derbi galego é o Partido Estrella da xornada (retransmitido por Teledeporte) e pode supoñer que a cuarta posición decídase na última xornada ou que, definitivamente, as porriñesas fáganse matematicamente co cuarto debido a que outorga unha praza en Europa.
As miñotas dirixidas por Cristina Cabeza chegan ao envite tras ser superadas en Carranque diante un gran Málaga. A pesar de que o conxunto miñoto non tirou a toalla en todo o encontro, o equipo andaluz mostrouse máis solvente e impúxose 35-29. Con esta derrota, o cadro galego sitúase quinto con 26 puntos, un por encima da Aula Valladolid e tres por baixo do Conservas Orbe Rubensa BM Porriño.
Pola súa banda, as xogadoras pilotadas por Ismael Martínez chegan á Sangriña tras gañar ao Elda Prestigio na pasada xornada. Con este triunfo, o club porriñés aínda non coñece a derrota no que vai de ano.
O Porriño dáballe a volta ao partido na primeira volta 23-22
Na primeira volta da Liga Guerreras Iberdrola a situación previa ao derbi do balonmán feminino galego era a mesma. O conxunto de Isma Martínez atopábase un posto por encima na clasificación, con dous puntos de vantaxe.
Daquela o Mecalia Atlético Guardés foi superior durante a primeira parte e o principio da segunda, pero un Conservas Orbe Rubensa BM Porriño vindo a máis co apoio da súa afección logrou darlle a volta e levar os dous puntos (23-22).
Con todo, neste partido da segunda volta será o Mecalia Atlético Guardés o que conte co plus de ‘o xogadora número oito’. Porque o poder que ten o inferno da Sangriña son palabras maiores. E neste partido son, sen dúbida, un factor determinante.
Ismael Martínez: “O partido ten que ser unha festa do balonmán”
Na previa do encontro, o adestrador do Conservas Orbe Rubensa BM Porriño, Ismael Martínez, manifestaba que este partido “ten que ser unha festa do balonmán”.
O técnico do equipo do Porriño explicaba que dada a súa situación na clasificación estamos diante un encontro que as visitantes teñen que “gozar. Estamos nunha posición que nos permite ir con tranquilidade e xogar o partido desde o emocional”, dicía Ismael Martínez.
Ismael Martínez: “Estamos nunha posición que nos permite ir con tranquilidade e xogar o partido desde o emocional”
O adestrador do Conservas Orbe Rubensa BM Porriño manifestaba tamén na previa do derbi do balonmán galego que “faise un pouco complicado asaltar un posto máis, pero ímolo intentar. Se algún dos de arriba pinchase, teríamos opción na última xornada de escalar un posto e sería brillante”, aseguraba o técnico galego.
Na análise ao conxunto rival, Ismael Martínez, declaraba que a clave do partido estará en “xestionar ben as desigualdades e ser eficaces nos sete metros”. Engadía que, en todo caso, para el a “chave sempre está no bloque”.
Ismael Martínez: “A chave sempre está no bloque, pero hai que xestionar ben as desigualdades e ser eficaces nos sete metros”
Na opinión de Ismael Martínez, o equipo “está ben. Para nós é superilusionante mellorar o feito o ano pasado e estámolo a facer, pero temos que pechar de xeito brillante e, sobre todo, estar ben para estos meses que veñen que é onde se xogan os títulos”.
Ismael Martínez, adestrador do BM Porriño: “Para nós é superilusionante mellorar o feito o ano pasado e estámolo a facer, pero temos que pechar de xeito brillante e, sobre todo, estar ben para estos meses que veñen que é onde se xogan os títulos”
Cristina Cabeza espera “un partido de moita estratexia”
Para o derbi do balonmán feminino galego, Cristina Cabeza, adestradora do Mecalia Atlético Guardés terá á súa disposición por primeira vez a todas as súas xogadoras, xa que Júlia Nuez tamén está confirmada para realizar o quecemento e probar sensacións tras a súa lesión no cruzado.
Para Cristina Cabeza, o bloque de xogadoras chega ao derbi do balonmán feminino galego nun bo momento: “O equipo está ben, estamos a adestrar ben”. Tanto ela como as xogadoras son coñecedoras da relevancia do partido, “non só por ser un derbi, senón por tentar achegarnos o máximo posible a esa cuarta praza”, engade.
Cristina Cabeza, adestradora do Mecalia Atlético Guardés: “Pese a derrota en Málaga vimos con boas sensacións”
A adestradora madrileña do Guardés prevé “un partido moi bonito e de moita intensidade” debido ao momento de forma no que se atopa o Porriño e considera que, “a pesar da derrota en Málaga vimos con boas sensacións”. Así mesmo, espera “un partido de moita estratexia” e desexa “que non pase o mesmo que en Porriño, cando non soubemos rendibilizar a diferenza de goles”, á vez que destaca a importancia do goal average.
Cristina Cabeza: “Queremos que o público se converta na oitava xogadora e que todos xuntos empuxemos para conseguir a vitoria”
Por último, a técnica Cristina Cabeza alude ao peso que ten a afección neste derbi. “Queremos que o público se converta na oitava xogadora e que todos xuntos empuxemos para conseguir a vitoria”, conclúe.
⭐️¡Derbi gallego como partido estrella en la jornada 2️⃣1️⃣ de la #LigaGuerrerasIberdrola!
⚔️ El @atlguardes_oficial y el @bmporrino se enfrentarán en un partido de altos vuelos ✈️
🗓Sábado, 16 de marzo
⌚️ 17:30
📺 @teledeportertve #Balonmano #SheLovesHandball pic.twitter.com/fMW4JnxrG6— Liga Guerreras Iberdrola (@IberdrolaDHF) March 15, 2024
