Todo está moi axustado nos postos que garanten a participación no Campionato Ibérico de Fútbol Gaélico que se xogará en maio.
O Estrela Vermelha despedirá este sábado a Liga Feminina 2019/2020 de fútbol gaélico no Miguel Anxo Cortizo de Lalín, ás 17:00 horas. Medirán as súas forzas co Herdeiras de D., terceiras na táboa e con opcións de acadar o subcampionato.
Pablo da Silva, adestrador das actuais campioas, destaca que “a nosa intención é darlle minutos a xogadoras que non tiveron tanta participación ao longo da tempada, e aínda que somos primeiras matematicamente daremos o máximo para levarnos a vitoria. Completaremos a lista de doce convocadas e intentaremos facer un bo partido ante un rival moi complicado, que xoga na casa e que o dará todo seguro”, destacaba o técnico.
Pablo da Silva, adestrador das actuais campioas, destaca que “a nosa intención é darlle minutos a xogadoras que non tiveron tanta participación ao longo da tempada, e aínda que somos primeiras matematicamente daremos o máximo para levarnos a vitoria. Completaremos a lista de doce convocadas e intentaremos facer un bo partido ante un rival moi complicado, que xoga na casa e que o dará todo seguro”, destacaba o técnico.
No outro encontro da xornada enfrentaranse Fillas de Breogán e Independente, no Campo de Coia en Vigo ás 11:00 horas da mañá. As de Breogán están a un punto de empatar no terceiro posto da clasificación.
Olalla Crespo, xogadora de Herdeiras, di que “estamos ante un partido moi duro, porque ademais de que Estrela é un grandísimo equipo, como así reflicte a clasificación, nós xogamos con varias baixas moi importantes. Falta Lorena, que é o noso motor; falta Laura e eu lesioneime onte no adestramento, así que estamos en cadro. Isto non nos vai quitar a ilusión por facer un bo papel e poder levarnos o triunfo para asegurar, polo menos, a terceira praza”, comentaba a xogadora.
Olalla Crespo, xogadora de Herdeiras:“estamos ante un partido moi duro, porque ademais de que Estrela é un grandísimo equipo, como así reflicte a clasificación, nós xogamos con varias baixas moi importantes. Falta Lorena, que é o noso motor; falta Laura e eu lesioneime onte no adestramento, así que estamos en cadro. Isto non nos vai quitar a ilusión por facer un bo papel e poder levarnos o triunfo para asegurar, polo menos, a terceira praza”, comentaba a xogadora.
O seu técnico, Jorge Ríos, sinala que “levamos nisto desde xaneiro. Somos un proxecto novo con moitas ganas de levar o gaélico o máis arriba posible. Competiremos neste partido pola vitoria e agardamos que haxa disputa ata o final. Cos encontros cun marcador moi axustado ata o final non só gañamos todas nós: gaña este deporte”, comentaba o adestrador.
O seu técnico, Jorge Ríos, sinala que “levamos nisto desde xaneiro. Somos un proxecto novo con moitas ganas de levar o gaélico o máis arriba posible. Competiremos neste partido pola vitoria e agardamos que haxa disputa ata o final. Cos encontros cun marcador moi axustado ata o final non só gañamos todas nós: gaña este deporte”, comentaba o adestrador.
Restarían, polo tanto, dous partidos adiados para rematar definitivamente a competición. Ambos serán o 14 de marzo. Fillas de Breogán – Herdeiras de D. e Turonia –Independente, en Gondomar e na Coruña respectivamente.
Acceso ao Campionato Ibérico
O Estrela Vermelha proclamouse campión a falta de varias xornadas para rematar a Liga, pero aínda quedan en desputa os postos altos da táboa, nos que andan as cousas moi axustadas. Do 2º ao 6º posto estanse xogando desputar o Campionato Ibérico, ao que da dereito quedar entre as tres primeiras. Desputarase a fin de semana do 16 e 17 de maio, e mediranse os mellores combinados de España e Portugal.
