- O Pre – Féile está integrado no proxecto ‘Gaélico Escolas PuntoGal’ e disputouse no Campo Municipal O Forte de Boqueixón.
- Desde a Asociación Galega de Fútbol Gaélico, Alexandre Sanmartín ‘Jano’, salientaba “o crecemento que están a ter as ‘Gaélico Escolas PuntoGal'” do que é coordinador xeral, e resaltaba os “valores” desta disciplina cun “respecto especial cara aos árbitros e os compañeiros e no que o importante é defender o equipo da túa localidade”.
Boqueixón foi epicentro da base do fútbol gaélico galego este sábado 23 de marzo co gallo da disputa do torneo preparatorio para o European Féile de categoría infantil e cadete que se disputará en Vigo en abril. Trátase do Pre – Féile que levou para o peto o equipo local, o Boqueixón, pero que foi toda unha festa para a rapazada galega que practica esta modalidade deportiva da man das ‘Gaélico Escolas PuntoGal’.
No Campo Municipal O Forte da citada localidade coruñesa estiveron cinco conxuntos de categorías de base que outorgaban representación a tres das catro provincias galegas. A clasificación final da quedou do seguinte xeito.
- Boqueixon (Boqueixón – A Coruña)
- Montecastelo Keltoi Vigo (Vigo – Pontevedra)
- IES Xelmírez I (Compostela – A Coruña)
- O Resío Turonia (Vigo / Gondomar – Pontevedra)
- Esquios F.G. (Toén – Ourense)
Alexandre Sanmartín ‘Jano’, responsable das Seleccións Galegas de fútbol gaélico e coordinador xeral das ‘Gaélico Escolas PuntoGal’ explica ao final da competición que fan “unha valoración positiva da xornada, de convivencia entre equipos. Na que se expuxeron novamente a promoción dos valores do fútbol gaélico, un deporte amateur no que hai un respecto especial cara aos árbitros e os compañeiros. No que o importante é defender o equipo da túa localidade”.
Sanmartín: “Cada semana escríbennos querendo participar nas Gaélico Escolas PuntoGal
“Como Asociación Galega de Fútbol Gaélico destacamos o crecemento que están a ter as ‘Gaélico Escolas PuntoGal’. É un proxecto que se iniciou hai apenas un par de anos e que xa está sacando equipos. Están saíndo novas e novos deportistas para os equipos de adultos. Vemos que non ten límite. Cada semana nos escriben máis escolas querendo participar deste proxecto querendo ensinar outros valores deportivos”, explicaba Alexandre Sanmartín ‘Jano’, coordinador xeral das ‘Gaélico Escolas PuntoGal’.
Jano comentaba tras finalizar o Pre – Féile as “esperanzas” que desde a Asociación Galega de Fútbol Gaélico se depositan “neste proxecto. Cremos que nun par de anos máis pode dar aínda máis froitos. Estamos moi contentos coa xornada e queremos continuar nesta liña de torneos e, se cadra, no futuro, non moi tardía, tamén dar a posibilidade de ter unha liga de ámbito galego”.
Jano, coordinador xeral das Gaélico Escolas Punto Gal: “Neste proxecto. Cremos que nun par de anos máis pode dar aínda máis froitos. Estamos moi contentos coa xornada e queremos continuar nesta liña de torneos e, se cadra, no futuro, non moi tardía, tamén dar a posibilidade de ter unha liga de ámbito galego”
A competición do Pre – Féile
Os partidos xogáronse en formato liga, todos contra todos, cunha fase de grupos na que a vitoria valía tres puntos, o empate 1 punto e a derrota 0. Logo da fase de grupos se realizaron os cruces posteriores segundo a clasificación da liga, disputándose unha final e un partido polo terceiro e cuarto posto. O campión foi o Boqueixón seguido do Montecastelo Keltoi Vigo.
Logo da final realizouse unha entrega de premios e, o terceiro tempo. Este é un elemento fundamental da competición no fútbol gaélico, máis aínda nestas idades de base nas que a convivencia entre xogadoras e xogadores de diferentes provincias ten máis protagonismo dentro da transmisión de valores que se pretende desde o proxecto ‘Gaélico Escolas PuntoGal’.
Preparatorio para o European Féile 2024
Galicia será a sede para a disputa da III edición do European Féile de fútbol gaélico, logo das levadas a cabo en Vannes (2022) e Berlín (2023).
O escenario escollido para o desenvolvemento o torneo deste ano foi o Colexio Montecastelo de Vigo, até onde se desprazarán numerosos combinados europeos.
Xa confirmada a presenza de formacións de Basilea, Bélxica e Luxemburgo.
1. O equipo do Boqueixón, no Pre - Féile / ASOCIACIÓN GALEGA DE FÚTBOL GAÉLICO
O equipo do Boqueixón, no Pre - Féile / ASOCIACIÓN GALEGA DE FÚTBOL GAÉLICO
2. O equipo Montecastelo Keltoi Vigo, no Pre - Féile / ASOCIACIÓN GALEGA DE FÚTBOL GAÉLICO
O equipo Montecastelo Keltoi Vigo, no Pre - Féile / ASOCIACIÓN GALEGA DE FÚTBOL GAÉLICO
3. O equipo IES Xelmírez, no Pre - Féile / ASOCIACIÓN GALEGA DE FÚTBOL GAÉLICO
O equipo IES Xelmírez, no Pre - Féile / ASOCIACIÓN GALEGA DE FÚTBOL GAÉLICO
4. O equipo Esquios FG, no Pre - Féile / ASOCIACIÓN GALEGA DE FÚTBOL GAÉLICO
O equipo Esquios FG, no Pre - Féile / ASOCIACIÓN GALEGA DE FÚTBOL GAÉLICO
5. O equipo O Resio Turonia, no Pre - Féile / ASOCIACIÓN GALEGA DE FÚTBOL GAÉLICO
O equipo O Resio Turonia, no Pre - Féile / ASOCIACIÓN GALEGA DE FÚTBOL GAÉLICO
6. Torneo Pre - Féile 2024 pertencente ao proxecto Gaélico Escolas PuntoGal disputado en Boqueixón / ASOCIACIÓN GALEGA DE FÚTBOL GAÉLICO
Torneo Pre - Féile 2024 pertencente ao proxecto Gaélico Escolas PuntoGal disputado en Boqueixón / ASOCIACIÓN GALEGA DE FÚTBOL GAÉLICO
7. Torneo Pre - Féile 2024 disputado en Boqueixón / ASOCIACIÓN GALEGA DE FÚTBOL GAÉLICO
Torneo Pre - Féile 2024 disputado en Boqueixón / ASOCIACIÓN GALEGA DE FÚTBOL GAÉLICO
O Resio Turonia
Esquíos FG
8. Equipos participantes no Pre - Féile 2024 / ASOCIACIÓN GALEGA DE FÚTBOL GAÉLICO
Equipos participantes no Pre - Féile 2024 / ASOCIACIÓN GALEGA DE FÚTBOL GAÉLICO
IES Xelmirez
O Resio Turonia
Montecastelo Keltoi Vigo
Esquios FG auriense
Boqueixón
9. Torneo Pre - Féile 2024 disputado en Boqueixón / ASOCIACIÓN GALEGA DE FÚTBOL GAÉLICO
Torneo Pre - Féile 2024 disputado en Boqueixón / ASOCIACIÓN GALEGA DE FÚTBOL GAÉLICO
Gaélico Escolas PuntoGal
O torneo Pre – Féile disputado en Boqueixón esta fin de semana intégrase no proxecto ‘Gaélico Escolas PuntoGal’ que nace á procura de formación e divulgación desta modalidade deportiva entre a rapazada.
Conscientes da importancia que isto ten na continuidade e supervivencia de calquera modalidade deportiva, o obxectivo principal deste proxecto que patrocina PuntoGal é fomentar a práctica do fútbol gaélico entre as nenas e nenos que se atopan en idade escolar, promovendo os valores que leva intrínsecos este deporte e formando futuros xogadores e xogadoras.
A Asociación Galega de Fútbol Gaélico (AGFG) é o organismo regulador oficial do fútbol gaélico en Galicia, dende a súa aprobación oficial na convención Europea dos deportes gaélicos en decembro de 2013, o cal lle garante de carácter oficial internacional recoñecido polo máximo órgano, a Gaelic Athletic Asociation (GAA).
Boa parte das actividades da AGFG intégranse dentro da RFGF (Real Federación Galega de Fútbol).
PuntoGal é un dos patrocinadores da AGFG que ademais emprega na súa web o dominio www.gaelicogalego.gal.
