Hoxe, sábado 16 de marzo ás 14:30 horas, xogarase o Fillas de Breogán vs Estrela Vermelha feminino correspondente á derradeira xornada de Liga de fútbol gaélico para o equipo local. O Estrela Verllelha aínda ten unha xornada aprazada. Neste partido as herculinas xóganse o seu pase á fase final do Campionato Ibérico. As compostelás, xa están clasificadas.
Ver esta publicación en Instagram
De gañar o encontro o equipo coruñés, tería posibilidades de clasificarse de xeito directo para a Fase Final do Campeonato Ibérico de fútbol gaélico. Para iso debe gañar e agardar o resultado do partido entre Auriense e Turonia e o do aprazado entre Turonia e Estrela Vermelha. No caso de que non consiga a victoria deberá agardar que o Grovias non consiga a victoria no seu partido ante Independiente para consolidar a cuarta posición, na que xogaría unha final Shield.
O Estrela Vermelha xa está clasificado para o Campionato Ibérico
Actualmente, Estrela Vermelha ocupa o posto de prata da clasificación con 12 puntos en oito partidos xogados. Fillas de Breogán está na cuarta posición con oito puntos en nove partidos disputados.
Fillos de Breogán e Estrela Vermelha dispútanse o título de Liga Galega masculino
Tamén hoxe, sábado, 16 de marzo, o campo Arsenio Iglesias da Coruña será testemuña da final galega masculina de fútbol gaélico que disputarán Fillos de Breogán e Estrela Vermelha, a partir das 15:45 horas e que poderá seguirse tamén en directo na web g24.gal ou en diferido na TVG2 (ás 20:30 horas).
O conxunto coruñés leva gañados catro campionatos de Liga consecutivos (2020-2024) e, de gañar este sábado, igualaría os cinco títulos dos composteláns Estrela Vermelha (2014-2016,2019 e 2020).
Ambos equipos venceron nos seus respectivos duelos das semifinais xogadas a fin de semana pasada. Por un lado, Fillos de Breogán, impúxose a Auriense 44-13, e busca a súa quinta liga consecutiva tras gañar todas as que xogaron dende o ano da pandemia.
Namentres, Estrela Vermelha derrotou a Keltoi por 32-19 e intentará conseguir o galardón catro anos despois do último conseguido.
Se miramos o palmarés, estos dous equipos pódense considerar os punteiros do fútbol gaélico en Galicia. Estrela Vermelha é o equipo que máis títulos ten, en concreto cinco. Mentres que o conxunto herculino do Fillos de Breogán é o segundo que máis posúe, con catro.
Ambos comparten o título galego do ano 2020, xa que chegaron á pandemia empatados a puntos, victorias e goal average particular, a falta dunha xornada. Ao non poder reanudar a competición, déuselle o título aos dous.
A Asociación Galega de Fútbol Gaélico (AGFG) é o organismo regulador oficial do fútbol gaélico en Galicia, dende a súa aprobación oficial na convención Europea dos deportes gaélicos en decembro de 2013, o cal lle garante de carácter oficial internacional recoñecido polo máximo órgano, a Gaelic Athletic Asociation (GAA).
Boa parte das actividades da AGFG intégranse dentro da RFGF (Real Federación Galega de Fútbol).
PuntoGal é un dos patrocinadores da AGFG que ademais emprega na súa web o dominio www.gaelicogalego.gal.
