Oito podios son o balance final do ciclocrós galego no Campionato Estatal disputado en Vic. María Filgueiras (medalla de prata junior), Aroa Otero (medalla de bronce junior) e Miguel Rodríguez (medalla de prata Sub-23) sumáronse na última xornada aos metais colleitados os días previos noutras categorías.
Galicia sumou as medalles de ouro de: Lorena Patiño (cadete), Marina González (máster-40A) e Isabel Castro do Condado Bike (máster-50A), tamén catro pratas, unha co equipo de Team Relay, e logo as de María Filgueiras (juniors), Miguel Rodríguez (Sub-23) e Andrés Calvete (máster-40A), por último está o bronce de Aroa Otero (júnior).
🔵⚪️ As fotos da Selección de Breogán no Campionato de España de Ciclocrós 2023
📸 Luz Iglesias
🔗 https://t.co/smGI6mPSIr#NON #CECXVic23 pic.twitter.com/aC8ZCP7x5A
— F_Galega de Ciclismo (@F_Gal_Ciclismo) January 16, 2023
Con tres podios e outros catro postos de top-5 o ciclocrós galego pechou este domingo o seu notable paso polo Campionato de España de Ciclocrós 2023 disputado na localidade barcelonesa de Vic. Miguel Rodríguez (Supermercados Froiz), prata na carreira Sub-23, e as juniors do combinado autonómico María Filgueiras e Aroa Otero, segunda e terceira respectivamente, protagonizaron os resultados máis destacados na xornada de clausura. En total, para Galicia viñéronse oito medallas despois de tres días de competición.
As características do circuíto, rápido e sen lama, non eran as máis favorables para Miguel Rodríguez, pero o ponteareán subiu un chanzo no caixón Sub-23 respecto ao ano pasado, cando fixo terceiro en Xàtiva. Nesta ocasión, o Supermercado Froiz controlou de principio a fin. O cántabro Gonzalo Inguanzo destacouse dende o inicio e o seu compañeiro de equipo galego vixiou a Alain Suárez (Nesta-MMR) e a Raúl Mira (Comunidade Valenciana) ata que na terceira das sete voltas abandonou o terceto perseguidor.
Rodríguez chegou a situarse a 10 segundos de Inguanzo, que se mantivo en solitario ata o final e conquistou a camisola rojigualda. A terceira posición, 59” despois de que cruzara a liña de meta o corredor de Ponteareas, resolveuse de xeito axustado a prol de Suárez ante Diego Ruiz de Arcaute (Euskadi). Anxo Carril, da Selección Galega, concluíu décimo terceiro e as cores autonómicas tamén as defendeu Borja Gómez, que na cerimonia de podio recibiu un agarimoso recoñecemento por parte da organización.
Prata para María Filgueiras e bronce para Aroa Otero
As elites, as Sub-23 e as juniors competiron á vez na quenda raíña feminina e nas tres categorías o combinado dirixido por Alberto del Río contou con representación nos primeiros postos. A carreira do grupo de idade xuvenil converteuse nun man a man entre as seleccións de Galicia e de Catalunya, acaparando entre estes dous bloques as cinco primeiras prazas.
A miñense María Filgueiras e a local Marta Cano abriron oco na primeira volta, marchándose por diante a corredora da comunidade autónoma anfitrioa no seguinte parcial. Nese segundo xiro ao circuíto, a ponteareá Uxía Soto e a catalá Laia Bosch contactaban coa ciclista de Miño, campioa de España cadete no 2022.
María Filgueiras volveu á carga na terceira das cinco voltas e comezou unha infrutuosa persecución. Cano resistiu para obter o título júnior por 23” de vantaxe sobre a coruñesa e a emoción na segunda metade da carreira centrouse na pugna pola medalla de bronce. A porriñesa Aroa Otero, indo de menos a máis, adiantou a Soto, pero non puido descolgar a Bosch, con quen se xogou a terceira posición na recta de meta. O man a man decantouse do lado da do Porriño. Dobre podio da Selección Galega e con dúas corredoras de primeiro ano na categoría.
#SelecciondeGalicia #CECXVic23 | Dúas medallas para a Selección de Breogán na categoría júnior feminina
🥈 María Filgueiras
🥉 Aroa Otero
📺 https://t.co/N1SAHcXaDo pic.twitter.com/TcfbI2amsy
— F_Galega de Ciclismo (@F_Gal_Ciclismo) January 15, 2023
Medalla de chocolate para Irene Trabazo e Laura Mira
As outras dúas ciclocrosistas do combinado de Galicia nesta quenda quedáronse ás portas do podio. Falamos da corredora de categoría elite Irene Trabazo e a Sub-23 Laura Mira. As dúas cruzaron a liña de meta na cuarta posición das súas respectivas categorías, acariñando así a medalla.
Irene Trabazo asinou o seu mellor Campionato de España de Ciclocrós como elite e mesmo liderou a proba raíña na segunda volta. Unha vez que o ataque da marinense foi neutralizado, Lucía González (Nesta-MMR) dinamitou o cuarteto de cabeza.
A asturiana puxo a directa cara o seu quinto título estatal, seguida de preto pola súa compañeira de equipo Sofía Rodríguez e na terceira posición rodou ata o final Alba Teruel (Laboral Kutxa), que se distanciou en 1’ da galega, cuarta tanto na clasificación elite como na absoluta. A ‘medalla de chocolate’ tamén lle correspondeu a Laura Mira nas Sub-23. A porriñesa, duodécima na táboa absoluta, rematou a 26” da terceira no seu grupo de idade, de Susana Pérez (Comunidade Valenciana).
A adxudicarse un metal tampouco renunciou ata a aproximación a meta o júnior André Martínez. O tudense terminou quinto, completando a carreira xuvenil a menos de medio minuto do terceiro clasificado Emilio Reinoso (Madrid). Martín Díaz, tamén da Selección de Galicia, fixo o trixésimo.
A actuación da expedición da Federación Ciclismo Galego en Vic finalizou coa vixésimo terceira posición de Samuel González na proba elite, a categoría estrela masculina na que Saúl López (Academia Postal-Maceda) apuntouse a décimo oitava praza e o valenciano Felipe Orts (Burgos BH) coroouse campión de España por quinta vez.
Volvendo a poñer de manifesto a boa saúde da que goza, o ciclocrós galego regresou de Catalunya cunha colleita de oito medallas, seis delas acadadas coas cores da Selección Galega: tres ouros (Lorena Patiño nas cadetes, Marina González nas máster-40A e Isabel Castro (Condado Bike) nas máster-50A), catro pratas (Team Relay, María Filgueiras nas juniors, Miguel Rodríguez nos Sub-23 e Andrés Calvete nos máster-40A) e o bronce da júnior Aroa Otero.
#CECXVic23 | Lorena Patiño, tras proclamarse campeona de España de CX, nos cuenta cómo ha vivido la carrera 🏆
🎙️ “He salido con la intención de liderar y ganar, pero no esperaba soltar a mis rivales tan pronto” pic.twitter.com/I1R4zjySRW
— Real Federación Española de Ciclismo (@RFECiclismo) January 14, 2023
#SelecciondeGalicia #CECXVic23 | Tres galegas proclámanse campioas de España de ciclocrós
🔵⚪️ A cadete Lorena Patiño, a máster-40A Marina González e a máster-50A Isabel Castro asinaron o trío de ouros. Andrés Calvete colgouse a prata nos máster-40A
🔗https://t.co/4LsWC6boH0 pic.twitter.com/KjhqKxUZL9
— F_Galega de Ciclismo (@F_Gal_Ciclismo) January 14, 2023
Máis información e clasificacións do Campionato de España de Ciclocros de Vic
Galicia, subcampioa de España no Team Relay do Campionato de España de Ciclocrós 2023