Equipos de toda Galicia achegan xogadoras ás Seleccións Galegas Sub-15 e Sub-17 femininas da cara ao CESA (Campionato de España de Seleccións Autonómicas) de fútbol que terá lugar na Región de Murcia do 1 ao 3 de marzo próximos. En total 17 clubs teñen deportistas citadas.
As Nosas futbolistas das Seleccións Galegas Sub-15 e Sub-17 femininas de fútbol xa contan as horas para poñer rumbo á Región de Murcia, sede que acollerá do 1 ao 3 de marzo as Fases Ouro e Prata do Campionato de España.
As nosas Sub-17 volverán disputar a Fase Ouro polo título nacional, mentres que as nosas Sub-15 loitarán por meterse na fase final da Fase Prata e así poder defender o título.
En total son 36 futbolistas de 17 clubs galegos as que foron convocadas para esta importante cita futbolística estatal.
A expedición galega, despois de realizar en Vigo o último adestramento en territorio galego, partirá hoxe, mércores pola noite rumbo a Murcia, segundo informa a RFGF.
| COA MÁXIMA ILUSIÓN A MURCIA!!
.
Murcia
️ 1-3 de marzo
A SUB 17 xogará a Fase Ouro e a SUB 15 a Fase Pratahttps://t.co/00vNZ6sg3j#CampeonasSub15RFEF | #CampeonasSub17RFEF pic.twitter.com/FD25h454dx
— RFGF (@futgal) February 23, 2024
Convocatorias da Sub-15 e a Sub-17
Esta é a lista das futbolistas elixidas para representar a Galicia nesta segunda fase estatal en territorio murciano. En total a convocatoria da Selección Galega Sub-15 feminina de fútbol conta con 18 deportistas:
- Antía Veiga – Orzán SD
- Ana Seoane – Victoria CF
- María Rivera – Victoria FC
- Sara Robul – ED Xuv. Oroso
- Uxía Troncoso – CD Beluso
- Uxía Sampedro – Victoria FC
- Lía Lorenzo – CD Ribadelouro
- Zaira Martínez – ED Val Miñor
- Nuria Pascual – CD Arenteiro
- Henar Núñez – Porriño Industrial
- Claudia Sande – Orzán SD
- Lía Ayestarán – UD Mos
- Lara Nogueira – Victoria FC
- Laura Tubío – Victoria FC
- Alma Reiriz – SCD Pastoriza
- Ángela Blanco – UD Mos
- Daniela Macedo – Orzán SD
- Violeta Torre – Victoria FC
- Naira Martínez – Lóstrego CF
- Yaiza García – Orzán SD
- Paula Rodríguez – Rápido de Bouzas
- Noelia Mayo – Orzán SD
- Noa García – Victoria FC
- Jimena Oubiña – Sárdoma CF
- Sara Cercido – RC Deportivo
- Laura Ruiz – Victoria FC
- Nara Fernández – Lóstrego CF
- Carol Souto – Victoria FC
- Lucía Rivas – RC Deportivo
- Daniela Rivas – Victoria FC
- Laura Santos – Orzán SD
- Lúa Arufe – Victoria FC
- Irene Maneiro – Victoria FC
- Alejandra – Lóstrego CF
- Emma Gandoy – Orzán SD
- Sara Couso – Viajes Interrías
Horarios e campos das Seleccións Galegas neste CESA
As Seleccións Galegas Sub-15 e Sub-17 femininas xa teñen horarios e campos para as Fases Ouro e Prata do Campionato de España que terá lugar do 1 ao 3 de marzo na Región de Murcia. Ata alí viaxarán as nosas para disputar este segundo treito da cita estatal.
A Región de Murcia será a sede que acolla esta segunda fase do Campionato de España de Seleccións Autonómicas (CESA) nas categorías Sub-15 e Sub-17 femininas. A Sub-17 disputará a Fase Ouro e a Sub-15 a Fase Prata.
Na mesma sede e as mesmas datas xogarán a Fase Prata as 9 seleccións que non conseguiron acceder á Fase Ouro. Neste caso, as seleccións encadráronse en tres grupos (C, D e E) de tres seleccións cada unha. As catro mellores (as tres primeiras e a mellor segunda) accederán á Final Four desta Fase Prata, que se xogará a próxima primavera.
Na Fase Ouro atoparanse as oito mellores seleccións da fase inicial, entre elas Galicia. As dúas mellores de cada grupo (A e B) avanzarán cara á Final Four que se xogará no mes de maio.
Podes consultar os horarios e os campos premendo na seguinte ligazón que facilita a RFGF: Horarios e campos
Grupo duro na Fase Ouro para a Selección Galega Sub-17
A Selección Galega Sub-17 estará outro ano máis entre as oito mellores do país. O combinado que prepara Quin Valbuena accedeu á Fase Ouro como primeira do seu grupo tras a primeira fase que tivo lugar en Zaragoza.
Así, Galicia sub 17 volverá loitar polo título nacional e o sorteo emparellou ás nosas da seguinte maneira:
A Sub-15 é a vixente campioa da Fase Prata
A Selección Galega sub 15 é a vixente campioa da Fase Prata. As de Vicky Vázquez, tras non poder acceder á Fase Ouro, volverán defender o título e os seus rivais serán os seguintes:
Segundo informa a RFGF, todos os partidos desta segunda fase do Campionato de España de Seleccións Autonómicas (CESA) serán retransmitidos en directo a través da canle de Youtube da RFEF, polo que as evolucións das Seleccións Galegas Sub-15 e Sub-17 poderán seguirse ao vivo por esta vía.
