Ana Peleteiro acada o ouro no Campionato de España Short Track celebrado en Expourense cun salto de 14,32 metros.
A medallista olímpica galega Ana Peleteiro acadaba así o seu oitavo título e facíao en Galicia. Demostrando, ademais, o seu excelente momento de forma nesta recta final do ciclo olímpico para París 2024.
Ver esta publicación en Instagram
Logo de acadar o triunfo, Ana Peleteiro rompía a chorar de emoción. A atleta galega puido coller no colo á súa filla Lúa a pé de pista.
“Foi un pracer estar aquí coa miña xente, con esta pista que é marabillosa, viuse que todo o mundo volou”, manifestaba ao final da competición aos micrófonos da RFEA.
Ana Peleteiro: “Vou a por todas”
Ao respecto do seu fantástico momento de forma, a triplista galega manifestaba: “O ano pasado estaba resucitando. Agora xa estou ao cento por cento, atopándome moi ben, se molestias e con moitas ganas. Teño moita fachenda por terme esforzado por voltar á competición xa que neste ano atópome mellor que nunca. Eu antes no cuarto salto estaba rebentaba e agora o último é o mellor. Vou a por todas”.
“Es un placer estar aquí, con mi gente, y en esta pista donde se vuela”
“Estoy orgullosa de haberme esforzado por volver a la competición”
Y ahora… a Glasgow: “Voy a por todas. Miedo, ¿a qué?”
Ana Peleteiro, feliz en el #CEatletismoST pic.twitter.com/OtsrDbtTSq
— atletismoRFEA (@atletismoRFEA) February 18, 2024
Trátase do oitavo título para a pupila de Iván Pedroso, logo dos acadados en 2014, 2016, 2017, 2018, 2020, 2021 e 2022.
Empezou a competición no Campionato de España Short Track celebrado en Expourense cun bo salto, alcanzando os 14,19 mts. Logo arriscou e no cuarto intento chegou aos 14,32,metros que son a mellor marca española do ano.
Podio Triple 🚺 #CEatletismoST
🥇 @apeleteirob (14.32)
🥈Naroa Furundarena (12.81)
🥉Ana Estrella de León (12.73)👏👏👏
📺https://t.co/ows7dO6OMA @teledeporte
📊https://t.co/a1o33hD8fz pic.twitter.com/De1F5rFirb— atletismoRFEA (@atletismoRFEA) February 18, 2024
A guipuzcoana Naroa Furundarena foi prata froito do seu quinto salto no que chegou aos 12,81 mts. E a sevillana Ana Estrella de León, aínda Sub-18 de primeiro ano, fíxose co bronce cun salto de 12,73 metros. No cuarto chanzo estivo a catalá Naiara Estanga con 12,66 mts.
