Unha vez máis, e en cousa dun mes, Esther Pedrosa fai historia logrando o seu segundo récord mundial de pista cuberta. A compostelá do Playas Castellón rompeu a marca mundial establecida nos 800 metros.
Si fai apenas un 32 días lograba a plusmarca mundial en Antequera sobre a proba dos 3.000 ml. cun rexistro de 11:11.16, sería no I Encontro de atletismo máster SPORTUR GALICIA de pista cuberta máster desenvolto en Ourense, cando a atleta santiaguesa remataba os 800 m. en 2:35.22. Este tempo supón un novo récord mundial que mellora os 2:36.57 da atleta norteamericana Lesley Hinz que ostentaba desde marzo do 2018.
Esther Pedrosa establece un novo Récord do Mundo nos 3.000ml
Con esta marca Esther confirma o sensacional momento de forma polo que está a atravesar, facendo dela unha das grandes atraccións do Campionato de España de Pista cuberta que terá lugar nestas mesmas instalacións ourensáns o vindeiro fin de semana e onde a poderemos seguir sobre as probas dos 1.500 e dos 3.000 ml, segundo apuntan desde a Federación Galega de Atletismo.
