Carral acolle a celebración do IX Torneo Club Ximnasia Rítmica Carral e do XXI Certame Municipal desta modalidade. Ambas as dúas citas están organizadas polo Concello de Carral en colaboración co Club de XR de Carral e terán lugar no pavillón do Espiño.
Por unha banda, de 9.00 a 14.00 horas levarase a cabo o IX Torneo do Club XR Carral, no que tomarán parte 20 clubs procedentes de toda a provincia da Coruña.
Pola outra, ás 16.30 horas está previsto o inicio do XXI Certame Municipal de Ximnasia Rítmica. Ao longo do mesmo, haberá 45 actuacións con ata catro escolas chegadas da contorna carralesa, segundo informan desde o concello coruñés.
