O pavillón de Monte Alto acolleu a fase autonómica do Campionato de España de Ximnasia Rítmica – Xunta de Galicia, en modalidade base individual e base individual masculino. O concelleiro de Deportes do Concello da Coruña, Manuel Vázquez, fíxolle entrega dos premios aos gañadores.
Nas categorías xuvenís, Noa Cereixo fíxose co ouro xuvenil cunha nota de 17.600 seguida de Paula Gavilanes e Alba Varela. Na modalidade 2005-2006, o pódium foi para Lucía Villanueva, Mara Varela e Mara Pigueiras mentres que no 2007-2008 foi para Lucía Casilla, Laura Alonso e Naila Muñiz. Hugo Vázquez clasificouse como xuvenil masculino, cunha puntuación de 18.950.
En canto aos cadetes, neste campionato de ximnasia rítmica na categoría 2010 o ouro foi para Martina Villalba, do Club Rítmica Milenium, que liderou o podio completo con Mai Fernández e Adriana Martínez.
En canto ás cadetes do 2009, as gañadoras foron Edurne Dorado, Ainhoa Piñón e Carlota Millán.
Participaron un total de 17 ximnastas das que só pudieron clasificarse as 15 primeiras, ficando fóra da competición estatal de ximnasia rítmica Irene Ares e Lucía Alonso. O cadete Iván Gutiérrez foi o único clasificado da categoría cadete masculino.
Na categoría alevín participaron tres ximnastas do 2013, clasificándose e entrando no pódium directamente, Belén Pérez, Carlota Mariño e Rosalía Montilla. E no canto das ximnastas do 2014, o pódio das alevinas foi para Lara Suárez, Zaira Mellid e Paula Fajar.
Por outra banda, na categoría benxamín clasificáronse Manuela Alonso e Paula Estraviz, respectivamente, na modalidade feminina xunto con Bernardo Gonçalves e Enzo Pintos na masculina.
En total 93 ximnastas individuais participan nesta competición de ximnasia rítmica con categorías dende benxamín a xuvenil. Dos preto dun cento de ximnastas, un total de catro eran masculinos.
O campionato é a fase autonómica clasificatoria para o Campionato Nacional base que se celebrará en Castellón entre os vindeiros 9 e 14 de abril.
