As xogadoras do Hockey Club Coruña Feminino (HCCF) veñen de facer historia. No seu primeiro ano de vida o conxunto que adestra Stanis García acaba de clasificarse para a Final Four da WSE Champions League.
O festexo deste fito deportivo empezou na pista pero rematou no mar. Un baño no Atlántico, en concreto na praia de Riazor. Ese foi o xeito no que as xogadoras do Hockey Club Coruña Feminino (HCCF) celebraron este pase á loita polo título europeo da WSE Champions League. Testigo delo foi a cámara do reporteiro gráfico Manu Boutureira que acompaña habitualmente ao equipo coruñés. O seu obxectivo non faltou nesta festa a remollo.
Y así casi sin pensarlo, entre los 4 mejores equipos de Europa, se dice pronto ehh @CorunaFeminino !!! pic.twitter.com/27RegNSll2
— Manu Boutureira 📸 (@manu_boutureira) April 6, 2024
Se no partido de ida o Hockey Club Coruña Feminino (HCCF) vencía por 0-2 o Astro. Stuart Hóquei Clube de Massamá, na volta reafirmaron a súa superioridade ante o club luso cun rotundo 8-0. No total da eliminatoria de cuartos de final da WSE Champions League as galegas vencían por un marcador de 10-0 ás portuguesas.
Nada menos que catro goles, a metade dos conseguidos neste partido de ida, levaron a sinatura da asturiana Alba Garrote. Acompañárona na faceta goleadora neste cruce de cuartos de final Fernanda Muñoz (1), Mar Francí (2) e a capitá, Luchy Paz (1).
A Final Four, fase final da competición europea de hoquei a patíns feminino, terá lugar os días 27 e 28 deste mes de abril.
🚨 O @CorunaFeminino estará na Final Four da Champions
🏑 HC Coruña 8-0 Massamá
📌 O equipo fixo historia no seu primeiro ano de vida con estes oito goles👇👇👇
📲 Máis información, no enlace de G24👉 https://t.co/GVK6NV2a2s pic.twitter.com/WwsoHM9PwN
— En Xogo tvG2 (@EnXogo_tvG2) April 6, 2024
FICHA TÉCNICA
8) HOCKEY CLUB CORUÑA FEMININO: Ari Escalas, Bea Gaete, Fernanda Muñoz, Anna Bulló e Alba Garrote – quinteto inicial -. Tamén xogaron: Mar Franci, Cris Diz, Ale Martín e Luchy Paz.
0) ASTRO STUART HÓQUEI CLUB DE MASSAMÁ: Inés Caldeira, Diana Pinto, Beatriz Alves, Margarida Alves e Iriana Malicio – quinteto inicial -. Tamén xogaron: Marta Marujo, Inés Sen e María Duarte.
GOLES: 1-0: (min. 3) Alba Garrote. 2-0: (min. 5) Alba Garrote. 3-0: (min. 6) Fernanda Muñoz. 4-0: (min. 29) Alba Garrote. 5-0: (min. 42) Alba Garrote. 6-0: (min. 43) Mar Francí. 7-0: (min. 45) Mar Francí (falta directa). 8-0: (min. 48) Luchy Paz.
EQUIPO ARBITRAL: Louis Anthony Hyde e Alfonso Rago, auxiliados na mesa por Francisco José Martínez Suárez, David Martos e Carlos Alonso García-Bayon. Amosaron cartón azul a Anna Bulló polas locais e a Inés Sen no conxunto visitante.
INCIDENCIAS: Partido de volta dos cuartos de final de WSE Champions League de hoquei sobre patíns disputado no Pazo dos Deportes de Riazor. Na ida as galegas venceran por 2-0.
