O Orgullo Laranxa brillou na terceira xornada da Primeira División do Fútbol Sala Feminino Español. E o fixo por tres motivos que non foron os tres goles que lle deron o empate 3-3 diante do Móstoles.
Diante de que as madrileñas no se fixeran os test de detecciónd a COVID-19, as galegas decidiron disputar o partido con máscaras FFP2. Como sinal de protesta, cruzáronse de brazos durante o primeiro minuto de xogo. As futbolistas locais viráronse e déronlles as costas.
Por todo iso, os tres motivos polos que brillou o Orgullo Laranxa en Móstoles foron:
- A profesionalidade: xa que xogaron o partido pese a todo.
- A seguridade: ao xogar con máscaras FFP2 que as protexían a elas e a xente do seu entorno.
- A responsabilidade social: pola súa protesta, realizada de xeito pacífico e sereno diante da situación que estaban a vivir, e que conciencia sobre a prevención do contaxio do coronavirus.
Así, tal e como explican desde o club da Mariña, na pista do FSF Móstoles, “a cita que finalizou en táboas 3-3, aínda que o resultado foi o de menos”. As xogadoras do Pescados Rubén Burela, “non puxeron o balón a rodar no primeiro minuto en protesta pola decisión do equipo local de non realizar os test COVID-19 previos á cita, xogaron todo o encontro con máscaras”.
Segundo explica na súa conta en Twitter Lara Balseiro, unha das futbolistas do Burela: “Hoxe xogamos con FFP2 para protexernos a nós e á xente que nos rodea. Sabiamos que nos iamos enfrontar a unha situación complicada, pero estabamos convencidas de como facelo. A modo de protesta decidimos non xogar o primeiro minuto de partido e, para a nosa sorpresa, o equipo rival DEUNOS AS COSTAS. Cada un queda retratado coas súas propias accións. Ao final son estas cousas as que te definen como persoa. Seguiremos pelexando”.
A deportista aportando un vídeo do momento no que o Burela se planta e as deportistas do conxunto local responden ao acto de protesta das galegas virándose e dándolles as costas.
Empate a 3 en Móstoles.
Hoy hemos jugado con FFP2 para protegernos a nosotras y a la gente que nos rodea.
Sabíamos que nos íbamos a enfrentar a una situación complicada pero estábamos convencidas de cómo hacerlo.
— Lara Balseiro. (@LaraBalseiro) October 31, 2020
A escuadra de Julio Delgado saltou a Villafontana coa faciana cuberta coas máscaras FFP2 como medida de protección diante do posible contaxio do coronavirus. Sobre a cancha viviuse un enfrontamento brusco e igualado, con continuas rotacións nas filas mariñás, e un Móstoles certamente agresivo.
Cilene, de penalti, deu a vantaxe á escuadra visitante no minuto 7, con táboas de Andreza para as madrileñas na medianía do primeiro acto e iniciativa de Inma para recibir o descanso 2-2.
Tiveron que armarse de paciencia as Guerreiras Laranxas para recuperar o empate, con Ale de Paz no minuto 30. Na recta final, oi FSF Móstoles tomou de novo vantaxe nunha situación dun contra un de Benete. Con menos de dous minutos por diante, Pescados Rubén Burela apostou con xogo de cinco para sentenciar o definitivo 3-3 nas zapatillas de Bea Mateos.
No FSF Móstoles, ao final do partido, festexaban o punto conseguido diante dunhas das aspirantes ao título.
📷 EQUIPAZO – ➕1️⃣#VamosMóstoles🦅 pic.twitter.com/r6cFjp64El
— FSF Móstoles (@FSFMostoles) October 31, 2020
FICHA TÉCNICA
FSF MÓSTOLES: Miri, Inma, Patri Chamorro, Celia, Sara Santos, cinco inicial; tamén xogaron Andreza, Shiori, Desi Godoy e Benete
PESCADOS RUBÉN BURELA FS: Jozi, Peque, Cami, M. Cortés, Elena Aragón, cinco incial; tamén xogaron Cilene, Ale de Paz, Dany, Bea Mateos e Lara Balseiro
GOLES: 0-1, minuto 7, Cilene (penalti); 1-1, minuto 9, Andreza; 2-1, minuto 19, Inma; 2-2, minuto 30, Ale de Paz; 3-2, minuto 38, Benete; 3-3, minuto 38, Bea Mateos
ÁRBITROS: Jarque Ruiz // Manso Martín. Por Móstoles vermella a Desi Godoy (minuto 7) e amarela a Andreza (minuto 10). Por Burela amarela a Jozi (minuto 5), Ale de Paz (minuto 28), Peque (minuto 35), Bea Mateos (minuto 39), Julio Delgado (minuto 39)
INCIDENCIAS: Partido correspondente á xornada 3 de Primeira División disputado en Villafontana. As xogadoras galegas xogaron con máscaras de protección FFP2 debido a que o equipo local no fixera os test para detectar a COVID-19.
O Móstoles FSF emite un comunicado no que explica a súa actuación no partido co Burela
