Despois do aprazamento da semana pasada polo illamento de Intersala Zaragoza, a liga das Guerreiras Laranxas volve este sábado en Móstoles (19.30 horas, Villafontana), coa xornada terceira da Primeira División do Fútbol Sala da RFEF.
“Levamos moito tempo adestrando sen poder gozar da fin de semana, somos conscientes de que pode volver pasar e non podemos baixar nin a intensidade nin o nivel dos adestramentos. Estamos desexando xogar, temos esas ganas de competir, para nós é o mellor día da semana”, reflexionaba Ale de Paz.
O Pescados Rubén Burela buscará seguir sumando de tres en tres despois do bo arranque a domicilio fronte a Alcorcón (2-3).
A futbolista do Pescados Rubén Burela, Ale de Paz: ” Estamos desexando xogar, temos esas ganas de competir, para nós é o mellor día da semana”
Ale de Paz o ten claro: “Imos saír a gañar, queremos levar o ritmo e a intensidade, coma sempre, poñer o noso nivel e o noso xogo”. A 17 mariñá, está moi contenta con este inicio de tempada no que coincidiu tamén o seu regreso coa Roja, nos amigables con Portugal: “Persoalmente coa Selección estou moi feliz, para min é un privilexio vestir esa camiseta e oxalá veñan moitas máis convocatorias”.
Ale de Paz, Guerreira Laranxa do Burela: “Persoalmente coa Selección estou moi feliz, para min é un privilexio vestir esa camiseta e oxalá veñan moitas máis convocatorias”
As mostoleñas, tamén cun partido disputado, estrearanse en Villafontana cun punto, tras o empate na casa do ascendido Torreblanca Melilla (3-3) e o aprazamento inaugural con Xaloc. “É un equipo que leva varias tempadas co mesmo bloque, sabe ben ao que xoga. Vai ser disputado; temos que estar concentradas con especial atención en estratexia, porque ten moi boas sacadoras, como Patri Chamorro, unha xogadora que do mínimo erro che pode facer moito dano”, advertía a xogadora de Neda.
Ale de Paz, Burela: “Vai ser disputado; temos que estar concentradas con especial atención en estratexia, porque ten moi boas sacadoras, como Patri Chamorro, unha xogadora que do mínimo erro che pode facer moito dano”
Baixas das Guerreiras Laranxas e convocatoria
Entre as Guerreiras Laranxas, ademais de Cely, non poderán participar na cita Jenny, por unha escordadura de nocello, nin Cristina, por motivos familiares.
Están convocadas polo FSF Móstoles: 1. Silvia, 3. Patri Chamorro, 4. Ainhoa, 6. Celia, 7. Andreza, 8. Inma, 9. Benete, 10. Shiori, 11. Pilar Ros, 15. Miri, 17. Sara Santos, 21. Desi Godoy, 22. Lucía, 23. Ari
A convocatoria do Pescados Rubén Burela FS confórmana 1. Jozi Oliveira, 3. Dany, 4. Sandra Buzón, 6. Cilene, 7. Peque, 8. Cami, 10. Lara Balseiro, 14. Bea Mateos, 17. Ale de Paz, 19. Elena Aragón, 21. M. Cortés.
