Todo listo en Burela para acoller o arranque da Futsal WEC 2023

A Futsal Women’s European Champions 2023 Friendly Edition (Futsal WEC) comeza hoxe en Burela.

Os afeccionados poderán ver o mellor fútbol sala feminino do continente grazas á presenza de catro clubs campións europeos:

Pescados Rubén Burela FS de España
SL Benfica de Portugal
Bitonto C5 Femminile de Italia
FC Marlène de Países Baixos.

Estes catro equipos buscarán facerse co trono europeo na segunda edición da Futsal WEC.

Na actualidade Pescados Rubén Burela FS son as vixentes campioas, tras resultar gañadoras da pasada edición celebrada en 2021 en Lugo.

Ver esta publicación en Instagram

Una publicación compartida por FutsalWEC 2023 (@futsalwec)

A Futsal WEC xógase como un cuadrangular

Pescados Rubén Burela FS , SL Benfica, Bitonto C5 Femminile e FC Marlène disputarán un cuadrangular entre martes e xoves. Desta fase previa resultarán os dous equipos que o venres, ás 20:00 horas en Vista Alegre, disputarán a gran final do campionato.

Os partidos desta primeira xornada serán os seguintes:

19 de decembro ás 18:00 horas (CET) – SL Benfica VS Bitonto C5 Femminile
19 de decembro ás 20:30 horas (CET) – Pescados Rubén Burela FS VS FC Marlène

Todos os partidos poderán seguirse en liña por medio da páxina oficial da Futsal WEC.

Segundo informan desde a organización, está dispoñible a venda en liña de entradas individuais para cada un dos días de competición ou un bono para ver todos os partidos da Futsal WEC 2023.