As Guerreiras Laranxas do Burela gañaron o seu segundo partido de pretemporada que lles enfrontaba contra un rival co que se medirán tamén en liga na na Primeira División da RFEF: o Ourense Envialia por 4-3. O conxunto adestrado por Julio Delgado, logra a vitoria ante un rival moi complicado, que este ano adestra Raquel Mondoruza Mondo, remontando un partido que ao descanso ían perdendo 0-2.
A primeira parte comezou cun Pescados Rubén Burela con protagonismo, tendo intensidade e as ocasións máis importantes. Con todo, o seu xogo íase diluír por un Ourense Envialia que estaba moi ben estruturado, combinando ben e xerando oportunidades á contra. A ocasión máis clara para as laranxas sería un contragolpe que Dany estivo de finalizar no ecuador da primeira parte.
A partir dese momento, o Ourense Envialia ía anotar dous goles, o primeiro de Zaide no minuto 12, tras un desbaraxuste en defensa das laranxas e o segundo de Clara no minuto 15 tras unha xogada do equipo ourensán á contra. O marcador ía ir deste xeito ao descanso co CD Burela FS tentando recortar distancias.
O empate do Burela
Todo o guión do partido cambiaría na segunda parte, na cal nada máis iniciarse o Pescados Rubén Burela no minuto 22 xa recortaba distancias por mediación dun disparo de Peque, aproveitando unha xogada sensacional individual de Antía. Dous minutos despois Emilly Marcondes recibía unha asistencia de luxo nesta ocasión de Peque, para empatar o partido.
O Ourense Envialia tamén tería un disparo de Sara Moreno que non entraría na portería da debutante Lola. Con todo, as laranxas estaban a ser máis insistentes en ataque elaborando un bo xogo. Froito desa insistencia, anotaría Emilly Marcondes o terceiro no minuto 33, cun trallazo despois dunha asistencia de Antía.
Cando o Pescados Rubén Burela parecía que se podía levar o partido, chegaba o empate do Ourense Envialia no minuto 37 con gol de Candela Soria. Non obstante o partido non se ía a acabar así, pois Cilene de falta cun golazo poñería o 4-3 definitivo a un minuto do final.
FICHA TÉCNICA
4) PESCADOS RUBÉN BURELA FS: Evelina, Dany Domingos, Antía, Emilly Marcondes e Peque – quinteto inicial -. Tamén xogaron: Cilene, Lola Muñoz, Masha y Patricia.
3) OURENSE ENVIALIA: Vane Barberá, Chiki, Sara Moreno, Jenny Lores e Judith – quinteto inicial -. Tamén xogaron: Candela Soria, María Estévez, Vero, Clara, María Arias, Uxia, Zaide e Inés.
GOLES: Min 12 Zaide 0-1; Min 15 Clara 0-2; Min 22 Peque 1-2; Min 24 Emilly Marcondes 2-2; Min 33 Emilly Marcondes 3-2; Min 37 Candela Soria 3-3; Min 39 Cilene 4-3
EQUIPO ARBITRAL: Coello Martínez, Menéndez Nistal – de Luis Iglesia A.
INCIDENCIAS: Partido amigable disputado no pavillón Vista Alegre de Burela entre os equipos galegos do CD Burela FS e o Ourense Envialia.
