O Ourense Envialia vén de facer pública a incorporación de a ex xogadora Bea Seijas ao corpo técnico do filial do conxunto ourensá.
A ex futbolista, toda unha deportista histórica do futsal galego, segue ligada á entidade despois de ‘colgar as botas’ pero facía a súa achega no primeiro equipo. Agora, Bea Seijas asume o reto de ser a adestradora do segundo equipo.
A deportista, agora adestradora, coñece á perfección os valores que tenta transmitir ás súas futbolistas desde a base o conxunto do Ourense Envialia, e tamén é unha gran coñecedora da canteira do club. A súa bagaxe como futbolista é toda unha garantía de sapiencia ao respecto de como funciona o cinco contra cinco, pero ademais, Bea Seijas conta coa formación de Nivel II de fútbol Sala, o que aporta tamén metodoloxía e coñecemento.
Este é o trío que compartirá banco con Bea Seijas
O bloque técnico estará conformado tamén por Regina Seixas (licenciada en INEF), que traballará a forma física das futbolistas; Aitor Rodríguez, que fará a labor de delegado e que xa estaba vencellado ao club en categoría autonómica; e Vane Barberá, que se encargará da posta a punto das cancerbeiras do filial. Vane, porteira do primeiro equipo, foi internacional e conta co título de adestradora Nivel II de Fútbol Sala.
Este cuarteto técnico liderado por Bea Seijas dirixirá ao conxunto o Ourense Envialia que militará o vindeiro curso 2021-22 na Segunda División da RFEF.
