A Selección Galega non é o único equipo cheo de galegas que estará competindo no Europeo de Seleccións de Fútbol Gaélico que se xogará o 15 e 16 de xullo en Poio e Pontevedra. No Iberia oito das quince xogadoras xogan en Galicia ou teñen nacido na nosa comunidade. Seis delas xogan na Liga Galega de fútbol gaélico. Elas son as oito galegas de Iberia: Violeta Reimunde, Olalla García, Cristina Monteserín, Carmen Fernández, Nuria Tilve, María Aboy, Paula Carabaña e Lucía Argüelles.
Violeta Reimunde xoga no Éire Óg Sevilla pero naceu en Vigo. É unha das oito galegas de Iberia. Conta do equipo que son “un grupo cunha traxectoria pequena, pero emocionante”.
Botando a vista atrás, Violeta Reimunde lembra que o Iberia “competía por primeira vez en 2019 nos GAA World Games de Waterford, en Irlanda, e a metade dese grupo (7 de 15) repite este ano na Euro Gaelic Football Cup de Pontevedra”.
Di Violeta Reimunde que ten a “sensación de que o equipo femenino de Iberia funciona como nexo de unión entre as rexións da península, que teñen cada unha a súa liga, e iso é algo moi valioso”. Non hai máis que botar unha ollada ao listado de xogadora e equipos nos que militan.
Estas son as xogadoras do Iberia:
- Tamara Muñoz – Éire Óg Sevilla
- Violeta Reimunde – Éire Óg Sevilla (naceu en Vigo)
- Cristina Rodríguez – Éire Óg Sevilla
- Siobhán O’ Donovan – Éire Óg Sevilla
- Olalla García – Fillas de Breogán A Coruña
- Cristina Monteserín – Fillas de Breogán A Coruña
- Carmen Fernández – Fillas de Breogán – Lugo
- Nuria Tilve – Independiente F.C. Pontevedra
- María Aboy – Independiente F.C. Moaña
- Paula Carabaña – Madrid Harps (naceu en Vigo)
- Miriam Healy – Madrid Harps
- Fiona McKernan – Madrid Harps
- Lucía Argüelles – Turonia GFG Gondomar
- Molly Murray – Valencia Sant Vicent (procede de Detroit, Ml USA / Detroit St Anne’s)
- Marie Bednarek – Valencia Sant Vicent (naceu en Lens, Francia)
Durante a tempada competitiva cada unha destas xogadoras compite nas ligas da súa área xeográfica. Pasan o ano en lugares tan afastados entre si como Madrid, Galicia, Sevilla e Valencia. “É moi difícil xuntarnos para adestrar, pero mantemos o contacto porque coincidimos en torneos ou en amigables. Este ano as de Sevilla estivemos nun torneo femenino en Santiago, o ano pasado xogamos con Madrid en Cáceres, outros anos organizamos amigables con Valencia…”, relata Violeta Reimunde para explicar como fan para coexionar ao grupo e adestrar para logo competir en citas como este Europeo de Seleccións de Fútbol Gaélico.
Violeta Reimunde: “É moi difícil xuntarnos para adestrar, pero mantemos o contacto porque coincidimos en torneos ou en amigables. Este ano as de Sevilla estivemos nun torneo femenino en Santiago, o ano pasado xogamos con Madrid en Cáceres…”
A campioa actual a bater é a Selección Galega. Pero aínda que, como en calquera competición vencer é o obxectivo base, o certo é que o fútbol gaélico en España, ten outros valores adheridos que van máis aló da pura competición.
“Na filosofía dos deportes gaélicos fóra de Irlanda non se busca tanto competir para gañar, aínda que o nivel de competición na nosa península é alto, senon que se pretende crear comunidade, que haxa cantos máis equipos mellor, que a xente disfrute do xogo, e nisto penso que Iberia femenino é un bo representante dos valores dos deportes gaélicos. O lema da Gaelic Athletic Association é “Where we all belong”, algo así como “Onde todo o mundo encaixa”, que podería tamén ser o lema do noso equipo”, explica Violeta Reimunde..
“Cada unha temos unha historia sobre como nos achega ao fútbol gaélico”, Violeta Reimunde
No que atinxe ao bloque de xogadoras do Iberia poderíase dicir que son un conxunto conformado por “veteranas, tendo en conta o recente que é este deporte na nosa Península, de feito eu vou disfrutar deste torneo como se fose o último, por se acaso!”, confesa Violeta.
Cada unha das 15 xogadoras que conforman o Iberia, ten unha historia persoa sobre como e cando descubriron o fútbol gaélico e empezaron a practicalo. “Eu nacín en Vigo, crecín na Coruña, vivín tres anos en Irlanda… e non comecei a xogar ao fútbol gaélico ata chegar a Sevilla! Animeime a probalo porque botaba de menos falar en inglés, e no equipo de fútbol gaélico, onde hai xogadores e xogadoras de Irlanda e doutros lugares do mundo, encontrei un grupo de xente fantástica e un deporte fascinante”, relata Reimunde.
Violeta Reimunde: “Eu nacín en Vigo, crecín na Coruña, vivín tres anos en Irlanda… e non comecei a xogar ao fútbol gaélico ata chegar a Sevilla!”
“Agora estou aprendendo a xogar ao camogie, que é o outro gran deporte tradicional de Irlanda, e quen sabe se no futuro poderemos disfrutar dunha liga de camogie e de hurling na Península ademáis da de fútbol gaélico.
Esa pode ser una meta a longo prazo, porque a curto prazo coincido con moitas xogadoras da Península en pensar que a meta é conseguir a igualdade no fútbol gaélico entre a competición masculina e a feminina”.
Segundo explica Violeta Reimunde: “nalgunhas rexións como Galicia isto parece ser unha realidade, pero noutras como Andalucía ou mesmo nas finais ibéricas hai moitas propostas de mellora para darlle ao fútbol gaélico femenino un trato igual de serio que se lle da ao masculino (arbitraxe, campos, porterías, bancadas, entrega de trofeos…). Hai marxe de mellora, pero imos na boa dirección e estou segura de que Pontevedra neste sentido non defraudará”.
Estos son os dez equipos que compiten no Europeo de Seleccións de fútbol gaélico
Na competición feminina deste Europeo haberá un total de 10 equipos. Deles, contabilízanse dous equipos de Galicia (Galicia e Galicia B) e tamén o Iberia no que hai unha ampla representación galega. Defende o título a Selección Galega feminina. Compiten tamén: Brittany , Luxembourg, Germany, France, France B, Benelux e GGE Team.
Cadro do Europeo de Seleccions de Fútbol Gaélico
