- A Selección Galega feminina de Fútbol Gaélico defende o seu título de campioa de Europa na casa.
As cidades de Pontevedra e Poio albergarán os próximos días 15 e 16 de xullo o europeo de seleccións de Fútbol Gaélico, unha cita deportiva internacional de carácter continental que vai atraer a Galicia xogadoras e xogadores de toda Europa que veñen gozar deste espectacular deporte de orixe irlandesa, na que é a edición con maior número de participantes da historia.
A Selección Galega de Fútbol Gaélico é unha das grandes potencias deste deporte, de feito no último europeo celebrado en Bretaña alcanzo o titulo en categoría feminina e o subcampeonato en categoría masculina, logros que quere volver a replicar nesta edición na que Galicia fai de anfitrioa.
A nivel competitivo hai que indicar que na categoría masculina teremos dúas competicións diferenciadas, a absoluta (Championship) e a de novas seleccións ou que están en desenvolvemento (Development). Galicia estará presente en ambas as competicións.
Galicia participará con dous equipos no torneo feminino, onde todos os equipos parten xuntos para logo dividirse en Championship ou Development en función dos resultados obtidos na fase de grupos.
Os partidos do torneo Championship terán lugar nos campos de fútbol da Xunqueira e Monteporreiro en Pontevedra e a competición de Development terá lugar no Campo de Fútbol da Seca en Poio, segundo informa a Asociación galega de Fútbol Gaélico.
A entrada a todos os partidos é gratuíta e desde a Selección Galega de Fútbol Gaélico. Desde a organización animan á cidadanía galega “a apoiar á nosa selección acudindo aos campos e compartindo fotos e vídeos facendo uso do cancelo #eurogaeliccup”
