A xornada 11 da Segunda División do fútbol feminino arranca con distintos obxectivos para os equipos galegos. O Valdetires Ferrol e o Castro queren loitar por un posto na zona de playoff mentres que o Ourense Envialia “B” gañar para asentarse na clasificación.
O Valdetires quere ser equipo de playoff
As ferrolás veñen de gañar a domicilio ao Ourense Envialia “B” nun partido de emocións fortes. Polo tanto chegarán con forzas e boas sensacións para recibir ao Promesas EDF Cociñas. As de Logroño visitarán o vindeiro sábado o Pavillón de Esteiro, e de gañar, igualaría a puntos as galegas. Sen dúbida será un partido con moitas cousas en xogo. Se as ferrolás conseguen os 3 puntos poderían entrar no pódio da clasificación, sempre e cando os resultados favorezan ao conxunto verde.
As de Rubén Carballo quere fuxir dos postos comprometidos
Outro dos duelos directos da xornada será o protagonizado polo Ourense Envialia “B” e o Txantrea KKE. As de Rubén Carballo buscarán igual a puntos as navarras (con só 3 puntos por riba das galegas). Máis se cabe tras perder a pasada xornada contra o Valdetires, pola mínima. A loita por fuxir da zona perigosa e asentarse na zona tranquila da táboa xógase este sábado as 18.00 na pista do Txantrea KKE.
Carballo dispón de todo o plantel a súa disposición para viaxar a Navarra salvo as baixas de Carla e Moraima: “Temos todo o equipo en boas condicións salvo a baixa de Carla, que xa leva mes y medio con problemas no xeonllo e Moraima que resentíuse esta semana do seu xeonllo.
O técnico das ourensás quere deixar atrás os malos resultados e pensar no futuro xa que “estamos con moito ánimo. A nivel de resultados non estamos a obter todos os puntos que nos gustaría pero a semana de adestramento foi moi boa e estamos con moitas ganas de que chegue o sábado”.
Sobre o su rival, Rubén falou do choque de estilos que poderá vivirse na pista do Txantrea KKE: “É unha das saídas complicadas. Os equipos vascos soen ter un estilo máis físico, nós somos un equipo xoven e moi técnico. É certo que este tipo de partidos ás veces cústanos máis que outros que son máis abertos”.
“Son equipos que combinan menos que nós, practican un fútbol menos vistoso pero totalmente válido. Temos que estar preparadas e pelexar no que seguro que será un partido duro”, concluíu o adestrador galego.
Castro e Lacturale queren seguir na pelexa polo playoff
O enfrontamento por engancharse a zona de arriba da táboa xogarase en Castro de Rei o vindeiro sábado ás 19.00. O Lacturale (14) supera en tan só un punto ás galegas e ambos equipos sitúanse na zona temperada da clasificación.
O conxunto pamplonica ven de gañar, en casa, por un contudente 5-1 ao Rodiles. Por contra, o Castro sufriu unha dolorosa derrota no derbi galego, a domicilio, fronte A Fervenza.
