Este domingo, 6 de setembro, celebrouse o 33º Karting de A Magdalena, circuíto ubicado no concello de Forcarei na provincia de Pontevedra. Trátase da cuarta proba do Campionato Galego de Karting, que organiza a Federación Galega de Automobilismo e que rematará no mes de outubro co 7º Karting do Porriño.
Vera Bouza foi a única rapaza competindo na categoría e rematou a competición cun tempo de 11:57.276 o que a fixo ocupar a quinta posición no global de X30, segunda entre os pilotos X30 junior e así manter o seu primeiro lugar no Campionato Galego nesa categoría.
A clasificación final do torneo na categoría X30 Junior encabezouna Christian Domínguez Sendón, que forma parte da escudería Iván Domínguez Marquez. Seguiulle Vera Bouza, ocupando o segundo lugar conducindo un FA-VICTORY R.
Actualmente, a piloto galega atópase liderando o primeiro posto da categoría segundo se recolle na clasificación publicada pola Federación Galega de Automobilismo.
No campionato corren pilotos das categorías rookie, alevín, cadete e X30-KZ2.
Vera Bouza Torrente, patrocinada por Corgal Automóviles, concesionario KIA de Narón, A Coruña e Carballo, é unha piloto naronesa de 13 anos que comezou a a súa andadura no karting a tempada pasada.
A seguinte proba que terá lugar será o 6º Karting de O Porriño, onde Vera seguirá pelexando para manter ese primeiro posto no podio do Campionato Galego de Karting na categoría X30 Junior.
As probas pendentes de disputarse neste campionato autonómico son:
- 6º Karting O Porriño
- 10º Karting de Valga
- 7º Karting O Porriño
