“Fágoo coa intención de animar, de achegar ás mozas a este mundo”
“Penso que o Open Donas está moi ben para motivar ás mulleres”
“Quero facer formación, cursos, tandas para que as mozas poidan adestrar, que poidan saber o que é estar dentro dun circuíto”
Con cinco anos de experiencia ás súas costas, Ruth Ortega é xa un referente no rally feminino. Consciente de ser unha excepción nun deporte dominado por homes, a galega decidiu crear o seu propio equipo: o Melmac Rally Factory. Un conxunto formado únicamente por mulleres co obxectivo de motivar a outras mozas a que se uniran a ela.
Despois do seu embarazo e o parón das competicións en Galicia por mor da pandemia, Ortega e as súas compañeiras volven ao volante no 25 Rallye A Coruña, unha proba puntuable para o Volante FGA e a nova copa, o Open Donas.
-AN: É complicado para unha muller entrar no mundo dos rallys?
Ruth Ortega: Eu empecei no 2017, cando tiven a oportunidade de correr e saír no rally e aquí seguimos. Como en todo deporte no cal a maioría sexan homes, é complicado comezar. Non é que sexa complicado por ser muller, senón porque se nota moito a diferenza na porcentaxe de mulleres e homes e igual nos sentimos raras dentro deste mundo. Non está tan visto ou tan normalizado que compitan mulleres coma se correra un home. Entón si, é difícil.
-AN: Que te levou a impulsar a creación do Melmac Rally Factory?
Ruth Ortega: Cando empecei no 2017, que pasaron cinco anos escasos, é certo que o tiven máis complicado, víame súper rara dentro dun grupo de tantos homes. Moitas mozas falábanme e dicíanme que oxalá pudieran correr e dicían que menos mal que alguén se atreveu. Entón crin que era unha boa forma de apoiar e motivar ás mulleres. Dicir mira, estamos nós aquí, estamos desfrutando, trátannos súper ben, e vós tamén podedes facelo.
Ruth Ortega: “Estamos nós aquí, estamos desfrutando, trátannos súper ben, e vós tamén podedes facelo”
De todas formas, aínda que eu creara o equipo 100% femenino, non quere dicir que queira unha categoría femenina ou que nos aparten. Fágoo coa intención de animar, de achegar ás mozas a este mundo, ou porque non se atreven ou por se non teñen a ninguén ao redor que as axude. Son a primeira que quero correr contra homes, porque se loitamos pola igualdade, teremos que medirnos con eles.
Ruth Ortega: “Son a primeira que quero correr contra homes, porque se loitamos pola igualdade, teremos que medirnos con eles”
-AN: Poderíase dicir que es un referente para as mozas. Cales foron os teus?
Ruth Ortega: A verdade é que en feminino sempre me fixei en Emma Falcón no tema rallys. Desde que empezou a seguín moitísimo. Pero é certo que, aínda que soa raro, pero me enfocaba moito nas copiloto femininas. Había moitísimas máis e había máis referencias para fixarte nelas. Aínda que elas fosen copilotos, e eu piloto, ao final eran mulleres nun deporte “masculino”. Algunhas son Sara Fernández, Andrea Lamas... Teño máis referencias de copilotos porque hai máis, non por outra cousa.
Ruth Ortega aposta pola promoción do rally feminino
-AN: Esta tempada estréase o Open Donas, que opinas desta competición?
Ruth Ortega: No nacional hai trofeo feminino en terra e asfalto, e eu os dous anos que o corrín quedei subcampioa, así que tes un trofeo feminino aí, no nacional.
No galego non había ningunha copa que incentivase ou animara ás mulleres, e creo que é una idea moi boa que se lle presentou no seu momento á Federación Galega de Automobilismo. Penso que está moi ben para motivar ás mulleres, non hai límite de idade, non tes que ser galega… É para motivar a calquera muller para que poida correr e medirse con outras mulleres, aínda que é certo que, a parte de puntuar no Open Donas Gadis, é obrigatorio facelo no Volante FGA contra homes, algo que vexo completamente lóxico, porque se queremos igualdade, non imos ir nunha categoría soas.
O equipo do Melmac Rally Factory prepárase para o 25 Rallye A Coruña
-AN: No ámbito galego, estás traballando na creación dunha Comisión de Muller e Motor, como marcha a iniciativa?
Ruth Ortega: Cando corría no nacional ía dun lado a outro de España e decateime de que en todas as comunidades había esta comisión. En Canarias téñeno moi ben montado, fan formación e campus e animan á participación feminina. En Andalucía igual. Polo de agora, Galicia non o ten.
Ruth Ortega: “Quero facer formación, cursos, tandas para que as mozas poidan adestrar, que poidan saber o que é estar dentro dun circuíto”
Estou intentando conseguilo, facelo dalgunha forma, con apoio da Federación ou o que sexa. Pero o quero facer si ou si, coa Federación ou de forma privada. Máis que nada, non a Comisión en si, senón facer formación, cursos, tandas para que as mozas poidan adestrar, que poidan saber o que é estar dentro dun circuíto. Tamén quería traérmelas ás carreiras conmigo, que vexan un rally desde dentro.
-AN: Vénse xa a máis mulleres nos rallys?
Ruth Ortega: Si, copilotos femininas hai moitísimas agora e alégrame moitísimo. Pilotos femeninas non tantas, pero imos aumentando pouco a pouco. No rally de Sierra Morena de Córdoba do 2018 eramos cinco mozas que dicían que se fixera historia, porque nunca participaran tantas como pilotos. E logo en terra, no Rally de Navarra creo que chegamos a ser sete. De non ser ninguna a ser sete, iso xa é. Queda moito para chegar ao 50-50, pero está moi ben.
