SUBSCRÍBETE AO BOLETÍN DE NOVAS DE AS NOSAS PUBLICIDADESUBSCRÍBETE AO BOLETÍN DE NOVAS DE AS NOSAS PUBLICIDADESUBSCRÍBETE AO BOLETÍN DE NOVAS DE AS NOSAS PUBLICIDADE

Laura Rañal, da escudería Scratch Fene, gañadora categoría feminina ‘Wash-up Guitiriz’ no III Slalom Concello de Guitiriz ‘Gran Premio Ruta da Auga’

O triunfo absoluto foi para Fran Pico, da Escudería Moeche

En Reforma - PublicidadeEn Reforma - PublicidadeEn Reforma - Publicidade

 

A pilota Laura Rañal, que corría pola escudería Scratch Fene, resultou a gañadora da categoría feminina ‘Wash-up Guitiriz’ do III Slalom Concello de Guitiriz ‘Gran Premio Ruta da Auga’. 

O piloto da Escudería Moeche, Fran Pico, alzouse como gañador absoluto deste III Slalom Concello de Guitiriz ‘Gran Premio Ruta da Auga’ cun tempo de 1:40:266. A primeira proba puntuable para o campionato galego de slalom congregou no Campo da Feira a moitos afeccionados e afeccionadas ao motor nunha xornada na que o tempo acompañou, favorecendo o espectáculo.

Laura Rañal desbanca a Tamara Pereira

Na categoría feminina, patrocinada por ‘Whash-Up Guitiriz’ foi Laura Rañal (Scratch Fene) a que conseguiu o mellor tempo e o premio, dotado de 300 euros. A pilota substituía no alto do podio a Tamara Pereira, que fora quen gañara nos dous anos previos. Pereira tivo nesta terceira edición atrancos co seu coche e Laura Rañal fíxose co triunfo dun trofeo no que participaban 5 condutoras.

En modalidade Iniciación e Debutante, que se estreaban nesta terceira edición, Iván Picallo (Escudería Moeche) e Jesús Veiga (Scratch Fene), foron os gañadores, respectivamente.

A alcaldesa de Guitiriz, Marisol Morandeira, fixo a entrega de premios aos gañadores, que tamén recibiron como obsequio especial unha saborosa torta de millo.

Velaí a táboa de resultados máis destacados deste Slalom Concello de Guitiriz ‘GP Ruta da Auga’:

  • Gañador categoría absoluta: Fran Pico (Escudería Moeche) Citroën AX 1:40.266
  • Subcampión categoría absoluta: Diego González (Escudería Moeche) Citroën Saxo VTS 1:41.127
  • Gañadora categoría feminina ‘Wash-up Guitiriz’: Laura Rañal (Scratch Fene) Citroën Saxo VTS 1:53.646
  • Gañador categoría iniciación: Iván Picallo (Escudería Moeche) Citroën Saxo 1.2 1:52.083
  • Gañador categoría debutantes: Jesús Veiga (Scratch Fene) Renault Clio 1.2 1:58.9

Na presentación da cita a alcaldesa de Guitiriz, Marisol Morandeira, sinalaba que vía a proba como “unha cita xa consolidada no calendario automobilístico galego, que está a ser moi ben recibida polos veciños e veciñas de Guitiriz”.

Publicidade As Nosas Publicidade As Nosas Publicidade As Nosas

Relacionado co tema

Contacta co departamento de publicidade - As NosasContacta co departamento de publicidade - As NosasContacta co departamento de publicidade - As Nosas