A piloto Vera Bouza vén de proclamarse vencedora do 36º Karting A Magdalena. A conductora competiu na categoría x30 sénior, resultando campioa ao sumar 24 puntos nas dúas carreiras celebradas.
Con estes resultados, Bouza mellora os conseguidos na anterior edición, celebrada o pasado mes de abril. En total, a falta de catro competicións para pechar o Campionato de Galicia de karting, a galega marcha terceira clasificada, por detrás de Juan G. Fernández, do Pontevedra 1984 Team, e Pablo Capón, independente, e supera a outros catro pilotos da categoría.
Vera Bouza, terceira no 35º Karting da Magdalena na categoría X30 senior
A climatoloxía fixo que non fora unha proba doada para a deportista, que compite cun Tony Kart 401R, e tivo que adaptarse aos cambios e logrou superar todos os obstáculos para finalmente facerse co título de campioa. Na primeira carreira celebrada en A Magdalena, Vera Bouza resultou segunda, subindo á primeira posición na segunda carreira e alzándose co ouro na final. En total, acumula xa 82 puntos.
A escudaría da piloto, o As Pontes Motorsport, marcha oitavo clasificado na táboa xeral dos 21 participantes, sumando 38 puntos, a falta de catro carreiras. A próxima cita terá lugar no 5º Karting As Pontes, no 29 de agosto.
Podes consultar o listado completo dos resultados e como marcha a clasificación nesta ligazón.
