Dous conxuntos galegos venceron na primeira eliminatoria do play-off de ascenso á Primera División. Son o Valdetires Ferrol e o Marín ENCE, que están xa un paso máis preto de competir na máxima categoría do fútbol sala español.
Agora, tras as súas respectivas vitorias, os dous clubs veranse as caras na final galega do grupo 1C. O vencedor poderá acudir á Ciudad Deportiva de Las Rozas, en Madrid, onde se citará cos vencedores dos grupos restantes e decidiranse os equipos que finalmente ascenden á Primera División.
Nesta final galega, que se celebrara a partido único, o Valdetires contará co factor pista a favor, xa que as ferrolás foron campioas de grupo na fase regular.
O Valdetires inicia a fase de ascenso con triunfo
O equipo ferrolán enfrontábase na primeira eliminatoria ao Rodiles, ao que foi capaz de vencer por un axustado 2-1. Con moito en xogo, os dous conxuntos ofreceron un gran espectáculo do fútbol sala na pista do pavillón do Esteiro.
As galegas, xogando como locais, adiantáronse primeiro no marcador cun tanto de Yanira Valencia cando pasaba case un cuarto de hora desde o inicio. A vantaxe ferrolá mantívose ata o descanso, deixando ás xogadoras do Valdetires con enerxía e esperanza para disputar a segunda metade.
Tras o paso por vestiarios, o encontro aumentou a súa intensidade, con futbolistas a ambos bandos dándoo todo en cada acción. O ritmo máis alto do xogo non minoraba ás galegas, que incluso foron capaces de anotar o segundo xa no tramo final, no minuto 31, cun gol de Diana Díaz.
Pero o Rodiles non ía tirar a eliminatoria, polo que seguiu presionando para alcanzar ás locais. Só un minuto despois do tanto ferrolán, as asturianas marcaban cun gol de Romina Riveiro, facendo saltar as alertas no club do Valdetires.
Porén, as visitantes non tiveron tempo para realizar a remontada, polo que o marcador xa non volveu mudar e, cando o árbitro deu o pitido final, o Valdetires proclamouse campión da eliminatoria.
Partidazo el vívido hoy en A’Raña.
Nuestras chicas lo dejaron y lo dieron todo en la pista,
Agradecer al público que sufrió, se emocionó y llevó al equipo a esta victoria deseada.
Un pasito más, un escalón menos para llegar.
Enhorabuena chicas!!
Enhorabuena al cuerpo técnico!! pic.twitter.com/zFmG7ikytw— Marin Futsal (@marin_futsal) May 29, 2021
O Marín logra o pase na tanda de penaltis
Na outra eliminatoria, a que enfrontaba ao Marín co Txantrea, a emoción viviuse ata o último segundo, cun empate 1-1 que obrigaba a decidir o encontro na tanda de penaltis.
O pavillón da Raña foi testemuña dun intenso duelo entre dous clubs que se deixaron a pel na pista para pasar á seguinte fase na loita polo ascenso. Nos primeiros minutos o conxunto local fíxose co dominio do balón, marcando o ritmo do partido e impoñéndose na súa pista.
Así, o primeiro tanto non se fixo esperar. Co minuto 8 no electrónico, Jessi Lores provocou unha falta lanzada por Ceci e rematada por Mar Fernández, poñendo o 1-0. No bando contrario, as navarras seguiron presionando en busca do empate.
Este finalmente chegaría nunha xogada de estratexia, rozando o minuto 15 de partido. As visitantes botaron unha falta e o balón dirixiuse á meta galega, tocando en Kun antes de entrar.
Na segunda parte a igualade seguiu sendo a máxima do partido, nun encontro moi rifado e con ocasións para ambos equipos que, porén, non chegaban a transformar. O empate mantíñase inamovible, polo que tras o pitido final foi necesaria a prórroga.
Os dous tempos de tres minutos cada un tampouco serviron para decidir ao gañador desta primeira eliminatoria, polo que só quedaba resolver o encontro desde os seis metros. Ceci, Pau, Yari Arriba, Kun e Marta Gago foron as autoras dos penaltis que deron o pase por un 6-5 final ao Marín.
O equipo galego tivo que sufrir 40 minutos, os seis de prórroga e o tempo para os penaltis posteriores, pero pode celebrar xa o pase de fase e a súa presenza na final ante o Valdetires.
Partidazo el vívido hoy en A’Raña.
Nuestras chicas lo dejaron y lo dieron todo en la pista,
Agradecer al público que sufrió, se emocionó y llevó al equipo a esta victoria deseada.
Un pasito más, un escalón menos para llegar.
Enhorabuena chicas!!
Enhorabuena al cuerpo técnico!! pic.twitter.com/zFmG7ikytw— Marin Futsal (@marin_futsal) May 29, 2021
