As coruñesas do HC Borbolla empataban esta fin de semana co Alcorcón (7-7). O resultado obriga ás tomatitas a gañar todos os retos deportivos que teñen por diante e, aínda así, depender dun empate entre CP Alcorcón e CP Las Rozas para poder alcanzar a segunda praza e acompañar ao HC Deportivo Liceo no camiño de volta á Ok Liga Feminina.
Logo de chegar a poñerse 2-5, o conxunto que adestra o técnico galego Santi Martínez, dilapidou a súa vantaxe e acabou o partido contra este rival directo na loita polo ascenso en táboas.
De feito, no minuto 48 Antúñez puña o partido 7-6 para as locais. Foi un gol de Lucía Yáñez no mesmo minuto o que permitiu puntuar ao HC Borbolla en terras madrileñas.
O calendario do HC Borbolla
Quédanlles por diante as coruñesas de Monte Alto os seguintes partidos:
- 6/6/21 12:30 horas HC Borbolla vs UDC Rochapea.
- 13/6/21 12:30 horas HC Borbolla vs HC Deportivo Liceo.
- 20/6/21 12:30 horas CP Las Rozas vs HC Borbolla.
Aínda vencendo todos e sumando os nove puntos en xogo, non dependen de si mesmas. O partido crucial para as súas aspiracións será o que enfronte a CP Alcorcón e CP Las Rozas. Un empate entre madrileñas é o que interesa ás tomatitas para estar o vindeiro curso na elite. Ese partido terá lugar o 5/6/21 ás 16:00 horas. Aí se dilucirán moitas das opcións do HC Borbolla de xogar outro ano máis na elite.
FICHA TÉCNICA:
7) CP ALCORCÓN: Patricia Sanz, Anna Carranza, Gabriela Delgado, Carolina Monedero e Marina Monge – quinteto inicial -. Tamén xogaron Carlota Antúñez, Naroa Martín e Celia Montero. Estela Sánchez (P.S.)
7) HC Borbolla: Edén Avecilla, Antía Rivadas, Lara Yáñez, Lucía Yáñez e Marta Vilas – quinteto inicial -. Tamén xogamos: Alba Díaz (C), Valentina de Girolamo e Lucía Castro. Noemi Uzal (P.S.)
GOLES: 1-0 7 min. Monge. 1-1 min. 8 Lara Yáñez. 1-2 min. 11 Lara Yáñez. 2-2 min. 16 Antúñez. 2-3 min. 18 Marta Vilas. 2-4 min. 19 Marta Vilas. 2-5 min. 25 Lucía Yáñez. 3-5 min. 38 Monedero. 4-5 min. 21 Monge. 5-5 min. 47 Monge. 6-5 min. 47 Monge. 6-6 min. 47 Marta Vilas. 7-6 min. 48 Antúñez. 7-7 min. 48 Lucía Yáñes.
ÁRBITRO: Alberto López. Amosou cartulina azul á galega Antía Rivadas.
INCIDENCIAS: Pavillón Prado de Santo Domingo (Alcorcón). Partido correspondente á undécima xornada da Ok Liga Prata feminina de hoquei sobre patíns.
