O Hockey Club Coruña Feminino (HCCF) mídese hoxe na Copa da Raíña ao CP Vila-Sana nos cuartos de final da competición do KO. O partido terá lugar en Vila Franca del Penedés a partir das 20:30 horas.
O equipo que adestra Stanis García está en boa serie de resultados tras clasificarse para disputar a Final Four da WSE Champions League. O Hockey Club Coruña Feminino (HCCF) conseguía tamén ser o organizador desa fase final da competición máis importante do hoquei feminino europeo que terá lugar os días 27 e 28 de abril na cidade da Coruña.
Nesa cita tamén estará o CP Vila-Sana Coop D´Ivars que se medirá ao Generali HC Palau Plegamans na súa semifinal. Ás galegas do Hockey Club Coruña Feminino (HCCF) xogan na competición europea contra o CP Esneca Fraga diante do que buscarán o seu pase á final.
Os cuartos de final da Copa da Raíña teñen estos cruces:
- 18/04/24 18:00 h Telecable HC vs Martinelia Manlleu.
- 18/04/24 20:30 h CP Vila-Sana Coop D`ivars vs HC Coruña Feminino.
- 19/04/24 18:00 h CP Esneca Fraga vs CP Voltregá Movento Stern.
- 19/04/24 20:30 h Generali HC Palau de Plegamans vs Lidergrip CH Mataró.
