Condeados a enfrontarse unha e outra vez. Como na película o Día da Marmota. HC Coruña Feminino (HCCF) e CP Esneca Fraga veranse as caras fronte a fronte dúas veces neste mes. Coruñesas e aragonesas xogarán senllos partidos da Ok Liga Iberdrola primeiro e da Final Four da WSE Champions League a final de mes, o día 27 de abril. Nas filas das visitantes milita unha internacional herculina, ex do HC Liceo: María Sanjurjo.
1. María Sanjurjo, xogadora do Hockey Club Deportivo Liceo / SABELA MOSCOSO
María Sanjurjo, xogadora do Hockey Club Deportivo Liceo / SABELA MOSCOSO
2. María Sanjurjo, HC Deportivo Liceo / SABELA MOSCOSO
María Sanjurjo, HC Deportivo Liceo / SABELA MOSCOSO
3. María Sanjurjo, xogadora do Hockey Club Deportivo Liceo / SABELA MOSCOSO
María Sanjurjo, xogadora do Hockey Club Deportivo Liceo / SABELA MOSCOSO
4. María Sanjurjo, xogadora do Hockey Club Deportivo Liceo / SABELA MOSCOSO
María Sanjurjo, xogadora do Hockey Club Deportivo Liceo / SABELA MOSCOSO
5. María Sanjurjo, xogadora do Hockey Club Deportivo Liceo / SABELA MOSCOSO
María Sanjurjo, xogadora do Hockey Club Deportivo Liceo / SABELA MOSCOSO
6. María Sanjurjo, HC Deportivo Liceo / SABELA MOSCOSO
María Sanjurjo, HC Deportivo Liceo / SABELA MOSCOSO caída
7. María Sanjurjo e Alba Garrote, HC Deportivo Liceo, Riazor / SABELA MOSCOSO
María Sanjurjo e Alba Garrote, HC Deportivo Liceo, Riazor / SABELA MOSCOSO hoquei
O Pazo dos Deportes de Riazor acolle hoxe a partir das 20:00 horas o partido da Ok Liga Iberdrola entre HC Coruña Feminino (HCCF) e CP Esneca Fraga. A entrada é de balde segundo informan desde o club galego.
Ver esta publicación en Instagram
O cruce pertence á xornada 21 da competición ligueira. O equipo aragonés, con María Sanjurjo nas súas filas, é cuarto na táboa clasificatoria con 46 puntos. O HC Coruña Feminino (HCCF) que adestra Stanis García, ocupa a 6ª praza na clasificación no que é o seu primeiro ano de vida. As galegas colleron a remuda precisamente do HC Liceo ocupando a súa praza na elite do hoquei sobre patíns estatal.
María Sanjurjo optaba polo proxecto do CP Esneca Fraga e agora a herculina, ex do Dominicos e do Liceo, regresa á pista do Pazo dos Deportes de Riazor coma visitante. Non é a súa primeira vez lonxe da Coruña. Hai anos xa estivera defendendo a elástica do Telecable.
Din que non hai peor cuña que a da mesma madeira, polo que unha internacional do nivel de María Sanjurjo que coñece perfectamente á maioría das xogadoras do HC Coruña Feminino (HCCF) será, seguramente, o principal argumento das aragonesas para intentar vencer ás galegas na súa pista.
