Na Superliga 2 non poderemos disfrutar dos equipos galegos. Tanto o Autos Cancela Zalaeta como ó Arena Emevé viaxan este fin de semana. As da cidade herculina viaxan ata as Illas Canarias coa intención de ampliar a vantaxe sobre o seu rival, o Arona Tenerife. As de Lugo poñen rumbo a Extremadura para enfrontarse ó Arroyo.
O Autos Cancela Zalaeta busca ampliar a vantaxe sobre Arona Tenerife
O Autos Cancela Zaleata viaxa este fin de semana (8 de febreiro, ás 18.30 horas) as Illas Canarias para enfrontarse ao Arona Tenerife Sur no pavillón Jesús Domínguez Grillo. A ambos equipos só os separan seis puntos e as herculinas queren acadar unha vantaxe importante sobre elas.
“Respeto o partido en Arona, é moi importante para nós posto que marcan o descenso e se gañamos colleríamos xa unha vantaxe moi importantes sobre elas”, comenta Jorge Barreiro, o adestrador do Zalaeta para As Nosas. As locais son undécimas con 12 puntos. Ademais veñen de perder por un 3 a 0 contra o Arenal Emevé. “Reforzáronse para esta segunda volta con dúas xogadoras estranxeiras que aumentan moito o potencial do seu equipo”.
As coruñesas están máis arriba, no oitavo posto con 18 puntos. A semana pasada foron derrotadas ante o CV Sestao por un 0 a 3. “Xogamos un mal partido contra as vascas e vamos con moitas ganas de resarcir e facer un bo partido porque sabemos que si no es así as nosas opcións de puntuar serán muy poucas”.
No partido de ida, disputado no Barrio das Flores, o Zalaeta acadou dous puntos cun marcador de 3 a 1. Para esta cita conta baixas: “Vamos sen Cristina por temas profesionais e ademais da de Ele, ata fin de tempada”. Jorge Barreiro terá dispoñible a Carla que está moito mellor do seu escordadura.
DATOS DE INTERESE
DÍA E HORA: 8 de febreiro, ás 18.30 horas.
CAMPO: Pavillón Jesús Domínguez Grillo – Tenerife.
ÁRBITROS: Pablo Santiago Melián Sosa.
INCIDENCIAS: Partido correspondente a xornada 16 da Superliga 2 de voleibol no que enfrontará ao Arona Tenerife Sur contra o Autos Cancela Zalaeta no Pavillón Jesús Domínguez Grillo.
O Arenal Emevé viaxa ata Extremadura na cita da Superliga 2
A segundas da competición, o Arenal Emevé, desprázase ata Extremadura para xogar nesta xornada o sábado (8 de febreiro, ás 18.00 horas) ante o Extremadura Arroyo no pavillón municipal Arroyo de la Luz. 24 puntos estan de por medio entre estos dous conxuntos.
As lucenses están a só dous puntos do líder da Superliga 2, o Sayre Décimas. O fin de semana anterior acadaron a terceira vitoria consecutiva ante o Arona Tenerife. O Extremadura, sen embargo, está empatado a puntos cas galegas do Zalaeta. Caeron derrotados ante o REDPISO Torrejón por un 3-1.
DATOS DE INTERESE
DÍA E HORA: 8 de febreiro, ás 18.00 horas.
CAMPO: Pavillón Municipal Arroyo de la Luz.
ÁRBITROS: Antonio del Toro Sánchez Matamoros.
INCIDENCIAS: Partido correspondente a xornada 16 da Superliga 2 de voleibol no que enfrontará ao Extremadura Arroyo de la Luz contra o Arenal Emevé no Pavillón Municipal Arroyo de La Luz.
