Os equipos galegos da Superliga 2 conseguen unha vitoria e unha derrota este fin de semana na xornada 15. O equipo lucense, o Arenal Emevé, sae vitorioso na súa casa ante o Arona Tenerife por un 3 a 0. O Autos Cancela Zalaeta perde na casa ante o CV Sestao.
O Zalaeta perde na casa ante o CV Sestao
O Autos Cancela Zalaeta cae derrotado no polideportivo do Barrio das Flores ante o CV Sestao por un 0 a 3 no electrónico. O conxunto dirixido por Jorge Barreiro suma a súa terceira derrota consecutiva e non poideron esnachar con esta mala racha na súa propia pista. O rival, a pesar de ser o décimo da Superliga 2, impúxose grazas os erros locais.
Agora mesmo dormen oitavas empatadas a puntos co Extremadura Arroyo con 18 puntos. Na vindeira semana aterran nas illas Canarias para enfrontarse ó Arona Tenerife.
FICHA TÉCNICA
AUTOS CANCELA ZALAETA: Patricia Santos, Cristina García, Claudía Gómez, Emma Ordoñez, Paula Lema, Andrea Rivas, Laura Vázquez, Carla Figueiroa, Alba Quirós, Susana Suárez, Noemí Sánchez, Carlota Vilariño, Sandra Castro e I. González.
C.V. SESTAO: Nerea Izaguirre, Ziortza Tejedor, Ane Briz, Maider Lorenzo, Oihane Gutierrez, Ane Lyuba, Oihane Paskual, Nerea Ruiz, María Larrakoetxea e Nerea Ugalde.
PARCIAIS: 19-25, 19-25, 23-25 (0-3).
ÁRBITROS: Carlos Alberto Cordeiro Fervenza.
INCIDENCIAS: Partido correspondente a xornada 15 da Superliga 2 de voleibol feminino no que enfrontáronse o Autos Cancela Zalaeta e o C.V. Sestao no Polideportivo do Barrio das Flores.
O Arenal Emevé sae vitorioso en Lugo
O Arenal Emevé acada a súa segunda vitoria consecutiva no duelo que disputou na Superliga 2 no Pavillón Municipal dos Deportes ante o Arosa Tenerife por un 3 a 0 no marcador.
“O partido seguiu a liña que levamos plantexando toda esta semana nos adestramentos. Esperábamos un rival bastante complexo posto que viñan de ganarlle ao cuarto clasificado da competición por un claro 3 a 0. Ademais das dúas novas incorporacións que fixeron no mercado de inverno”, comentou José Valle, o adestrador das lucenses para As Nosas.
A verdade que xogar na casa fai que os equipos sexam máis fortes. O que lle pasou o Arenal Emevé que xogou moi ben e correu a sorte de que as súas rivais, o Arona Tenerife, non lles saíaron as cousas. “Encantanounos o noso xogo a verdade e que todas as facetas nos saiu ben a cousa tanto desde a liña de saque como na defensa e os bloqueos que nos saíron moi ben. A nosa recepción foi moi solvente”, engadiu sobre o partido o adestrador do Emevé.
Tralo asubío final colócanse primeiras da competición a un punto do Sayre Décimas. Na próxima semana viaxan ata Extremadura para enfrontarse ao Extremadura Arroyo.
FICHA TÉCNICA
ARENAL EMEVÉ: Julia Paradela, Paula Lorenzo, Irene Yañez, Laura Villasante, Inmaculada Lavado, María Rodríguez, Sara Urrea, Paula Reija, Aitana Fernández, Tea Andric, Lucía Prol, Inés Rivas, Ainara Burgo e Lidia Figueira.
ARONA TENERIFE: Ebi Obi, Erika González, Elisabeth Rodríguez, Obi Ikwuowma, Federica Zompatori, Alexia Vejrup, Naike Obi, Natalia Kvasnytsia, Nuria Melián, Ayay Busrru e Marta Mateos.
PARCIAIS: 25-18, 25-21, 25-15 (3-0).
ÁRBITROS: Héctor González.
INCIDENCIAS: Partido correspondente a xornada 15 da Superliga 2 de voleibol feminino no que enfrontáronse o Arenal Emevé e o Arona Tenerife no Pavillón Municipal dos Deportes.
