O pasado domingo, 15 de novembro, Narón acolleu unha nova edición do Campionato Galego Individual e de Clubes organizado pola Federación Galega de Ximnasia. Neste torneo, clasificatorio para el Campionato de España individual Absoluto, participaron ximnastas de ata once clubs distintos de toda Galicia en categorías desde benxamín ata senior. Entre elas, destacou a vitoria en senior de Sofía Sousa, do Club Ximnasia Porriño.
A ximnasta competiu con ata tres aparatos distintos, cos que conseguiu unha puntuación total de 48,10 puntos, superando cunha longa distancia a Iria Calvar, do Saraiba E.D. Poio, que sumou 29 puntos. Sousa fixo unha moi boa actuación coas mazas, premiada con 16,80 puntos, ás que seguiron a coreografía con pelota, puntuada con 15,85 puntos e a de aro, con 15,45.
En categoría junior, Candela Martínez, do club María Barbeito, foi a gañadora, acadando un total de 50,10 puntos, coas súas actuacións con corda, pelota, cinta e mazas. Esta última foi a súa mellor coreografía do día, xa que logrou sumar con ela 14,60 puntos.
O Acordes imponse como o equipo máis laureado en senior
No relativo aos resultados por equipos, o Acordes foi o claro gañador. O club sumou 45,05 puntos grazas ás actuacións de Aitana Victoria Ríos en mazas e pelota e a de Marta Rivas en cinta.
Seguíronnas as ximnastas do Club Deportivo Ximnasia Rítmica Compostela, Ana Zarraga e Valeria Torreira, que acadaron un total de 32,35 puntos. En terceiro lugar, quedaron Nerea Sastre, Julia Cascón e Candela Pérez da Escola Pavillón, con 23,85 puntos.
No caso dos clubs que competían en junior, o Acordes quedou en segundo lugar, deixando o primeiro posto ao grupo A da Escola Ximnasia Arcordes, cun total de 40,35 puntos. Os bos resultados obtidos por Iria Álvarez, quedando na primeira e segunda posición desta competición, e de Sara Casanova levaron ao Ximnasia Acordes á primeira posición.
Aldara López, Verónica Fernández e Cristina Xin Picallo quedaron na posición de prata sumando entre as tres 39,55 puntos para o Acordes. Moi preto delas, con 38,85 puntos quedou o grupo B da Escola Ximnasia Acordes, grazas a Alicia García, que logrou o terceiro lugar con 14,45 puntos, e a Silvia Montero. Pechando a clasificación junior quedou o María Barbeito, cos 26,05 puntos das súas ximnastas Ana Caamaño e Zoe Permuy.
O resto de resultados desta competición, retransmitida por Galiciansports, poden consultarse na web da Federación.