A Selección Española de futsalfem voltará a Galicia no mes de novembro. O combinado dirixido por Clàudia Pons disputará dous partidos amigables en Verín e Salvaterra logo do acordo ao que a Real Federación Galega de Fútbol chegou cos dous concellos.
O Comité de designación de sedes de partidos da RFEF decidiu esta mañá que as localidades galegas de Verín (Ourense) e Salvaterra de Miño (Pontevedra) acollerán os días 7 e 8 de novembro os dous encontros amigables entre España y Portugal. Un dobre duelo entre as dúas grandes potencias do fútbol sala feminino europeo, que volverán a verse as caras logo de medirse por última vez na semifinal do Europeo en Debrecen (Hungría), apuntan desde a RFGF.
A celebración destes dous partidos será posible gracias á estreita colaboración entre a RFEF, aReal Federación Galega de Fútbol e os concellos das dúas localidades (Verín e Salvaterra de Miño), que xa traballan en todo o necesario para esta gran cita do 40×20 de seleccións estatais.
O primeiro dos partidos será o martes 7 de novembro ás 18:30 horas en Verín e o segundo será ao día seguinte en Salvaterra do Miño ás 19:00 horas. Os dous encontros poderán verse a través de Teledeporte e RTVE Play.
A Selección Española volta a Galicia casi catro anos despois. A última vez que xogou en Galicia fora en decembro de 2019, cando España xogara contra Xapón en Pontevedra e Burela, con vitorias por 8-0 e 4-2.
Galegas na Selección Española
Galicia adoita contar con futbolistas convocadas pola seleccionadora Clàudia Pons. Son habituais nas súas listas deportistas galegas ou que xogan en clubs galegos. Na última convocatoria estiveron: Silvia Aguete, Ale de Paz, Antía Pérez, Vane Sotelo, Laura Uña, Irene Samper ou Noelia Montoro.
