No balance da inscrición de equipos que facía co arranque de ano a Real Federación Galega de Fútbol, comunicábase que as inscricións achéganse ao 100% nas categorías: Preferente, Primeira Feminina e Fútbol Base.
No caso da Preferente anótaronse todos os equipos do Grupo Norte (23) e 18 do Sur, mentres que na Primeira Feminina só quedou un equipo sin inscribirse e na Base queren xogar 147 de 149. O único club da Primeira Feminina que non se apuntou foi a SD Tordoia que explicaba hai uns días os motivos que levaron á entidade a tomar esa decisión.
Rematado o prazo fixado pola Real Federación Galega de Fútbol para a inscripción de equipos de fútbol galegos nas seguintes categorías de fútbol: Preferente, Primeira Galicia, Primeira Galega Feminina, Liga Galexa Xuvenil, División Honor Cadete, Liga Galega Cadete e Liga Galega Infantil, a entidade fai un balance de inscrición.
Desde a RFGF anúnciase que no total de categorías, a inscrición achégase ao 80% e de maneira sectorial atópanse uns altísimos porcentaxes nas cagorías de Preferente, Primeira Feminina e Ligas Galegas de base. En Preferente a inscrición alcanza o 90%, na Primeira Feminina o 95% e nas categorías base ata o 99%.
No que respecta á Primeira Galega Feminina queda claro o desexo dos equipos de retomar a práctica do fútbol, pois foron 18 dos 19 equipos os que formalizaron a súa inscrición. Todos a excepción da S.D. Tordoia cuxa directiva decidía en “asamblea extraordinaria por unanimidade non inscribir ningún equipo na tempada 2020-21”, por considerar que “a situación actual a nivel sanitario, social e económico por mor da pandemia non é a idónea” e considerar “inviables no fútbol modesto as medidas do Protocolo Fisicovid-DxtGalego da RFGF”.
As razóns da SD Tordoia para non inscribirse na Primeira Feminina
O pasado 23 de decembro a SD Tordoia facía público un comunicado oficial no que explicaba os motivos polos que o club decidía non inscribir aos seus equipos de Primeira Femina e Masculina na competición.
Pasamos a transcribir o contido do mesmo:
Informámosvos que a Xunta Directiva da S. D. Tordoia se reuniu en asamblea extraordinaria para analiza o comunicado da Real Federación Galega de Fútbol no cal se informa do inicio das competicións de Primeira Galicia Masculina e Feminina a partir do próximo mes de Xaneiro.
En dita reunión acordamos por unanimidade NON INSCRIBIR NINGUN EQUIPO NA TEMPORADA 2020 / 2021. Consideramos que está é a opción mais responsable por varios motivos:
- A situación actual a nivel sanitario, social e económico por causa da pandemia que estamos a vivir non é a idónea.
- As medidas recollidas no “Protocolo Fisicovid-Dxtgalego da RGFG” son inviables no fútbol modesto. Ademais das medidas organizativas difíciles de levar a cabo nos campos de rexional consideramos insuficientes a realización de test cada 14 días para a seguridade dos nosos xogadores/as.
3. Para nos o máis importante, somos un equipo AFICIONADO. O noso obxectivo como club e desfrutar do fútbol sen que iso supoña un risco para os nos@s xogadores/as, os nosos técnicos, os nos@s soci@s, os nosos afeccionados nin para a xente do noso pobo. A saúde de tod@s debe estar por encima do fútbol.
Estamos ante unha situación extraordinaria e esperamos que a RFGF recapacite e a entenda como tal, e non permita que se perda nos despachos o que con tanto esforzo se conseguiu no campo unicamente por decidir coidar dos nos@s.
O fútbol volverá a Tordoia pero só cando sexa seguro para tod@s.
Preferente, 90% de clubs inscritos
Na categoría de Preferente son 41 os equipos inscritos dos 46 que partían na categoría. O Grupo Norte (provincias da Coruña e Lugo) está completo cos 23 equipos anotados para xogar esta atípica tempada 20-21. O 100% dos equipos queren iniciar a competición. E no Grupo Sur son 18 os conxuntos que optaron por iniciar a competición, quedando sin inscribirse o Céltiga, Sanxenxo, Portonovo, Moaña e Guardés.
E no referente ó fútbol base os datos falan por sí sós. Dos 149 equipos pertencentes ás categorías Liga Galega Xuvenil, División Honor Cadete, Liga Galega Cadete e Liga Galega Infantil foron nin máis nin menos que 147 os que formalizaron a súa inscrición na Intranet. Un incrible dato do 99%.
Únicamente dous equipos optaron por non anotarse. Ou o que é o mesmo, cinco dos sete grupos activaranse completos, con todos os equipos en competición. Só o Marcón en Galega Xuvenil e o Guardés en Galega Cadete decidiron non anotarse.
RFGF: “Grazas aos equipos que se inscribiron por entender que o fútbol é necesario e que é seguro coas condicións sanitarias e de seguridade que se establecen nos protocolos aprobados. Pero tamén a aqueles que decidiron non inscribirse, comprendendo e respectando a súa decisión e os argumentos que a motivaron”
A Xunta Directiva da RFGF, co seu presidente Rafael Louzán á fronte, trasladaba as “grazas a todos os equipos pola comprensión e a participación. Aos que se inscribiron por entender que o fútbol é necesario e que é seguro coas condicións sanitarias e de seguridade que se establecen nos protocolos aprobados. Pero tamén a aqueles que decidiron non inscribirse, comprendendo e respectando a súa decisión e os argumentos que a motivaron. O fin último do paso dado pola Federación era coñecer precisamente con total certeza aqueles equipos das principais categorías autonómicas que querían iniciar a competición e aqueles que prefiren esperar”.
Rafael Louzán: “Hai ganas do noso fútbol, pero hai que facelo con prudencia”
O presidente da RFGF, Rafael Louzán sinala que os datos reflexan claramente “as ganas que hai de que volva o noso fútbol, o que nos toca máis cerca”, pero engade que “debemos facelo con prudencia e tendo moi claro que debemos cumplir cos protocolos aprobados polas autoridades sanitarias”.
O presidente da Real Federación Galega de Fútbol, Rafael Louzán, destaca tamén que calquer previsión federativa segue a estar condicionada á situación sanitaria posto que seguimos estando nunha situación de excepcionalidade e será a evolución da pandemia a que condicione a volta das competicións.
Rafael Louzán, presidente da RFGF: “Debemos voltar con prudencia e tendo moi claro que debemos cumplir cos protocolos aprobados polas autoridades sanitarias”
Segundo comunica na súa páxina web a propia Real Federación Galega de Fútbol, “unha vez definido o mapa de cada unha das categorías, nos vindeiros días iranse celebrando reunións telemáticas ou presenciais cos equipos inscritos en cada categoría para resolver todas as dúbidas que poidan existir referentes ao plan competicional e a outros apartados e conseguir así unha total coordinación con todos os participantes nas distintas competicións”.