Histórico día de fútbol sala para o Poio Pescamar. Os cuartos de final do torneo copeiro medía as galegas co Roldán de Murcia nun pavillón da Seca ata a bandeira. As murcianas chegaban ao encontro con pleno de vitorias no que vai deste 2020. Mentres, o conxunto conserveiro enlazaba catro derrotas seguidas en Liga. Pero a Copa da Raíña é outra cousa. Tras eliminar ao Fisgón e Ourense Envialia, un solitario gol de Ana Rivera ao comezo da segunda parte otorgou un épico triunfo que mete por primeira vez as semifinais ás galegas.
Coas bancadas cheas, unha animosa afección chegada de Torre Pacheco e un ambiente como poucas veces viviuse na Seca un gran partido de futsal. O equipo de Raúl Jiménez esqueceu os convulsos días vividos e saíu con todo a polo rival. O ansia puido converterse en falta de puntería, xa que no primeiros vinte minutos as de Poio erraron varias ocasións.
Dani Sousa enviou fóra dous rexeitamentos claros na área, así como un man a man ante Etayo a pase de Mirian. Por momentos, o xogo longo cara á pivote xerou moito perigo para o Roldán. A porteira pachequera erixiuse en figura das murcianas no primeiro tempo, parando as chegadas de Ana Rivera, Andrea e Irene.
As opcións das murcianas viñan máis de erros locais na saída do balón ou na presión recibida. Bet Carrasco e Alba dispuxeron o dun man a man fronte a Silvia e tiveron nos seus pés as máis destacadas.
Un gol que vale unha Final Four
Tras o descanso, viría a xogada do único tanto do duelo. Ana Rivera quitoulle o esférico a Alba, montou un contragolpe frenético trazando unha parede con Mirian e, tras unha primeira atallada de Ana Etayo, logra enviar á rede a pelota.
Coa vantaxe, a escuadra conserveira decidiu non arriscar tanto en campo rival. O enfrontamento entrou nunha dinámica de moita tensión, disputa e apenas ocasións. Mariángeles, no minuto 31, viu como Silvia sacáballe coa súa perna un duro disparo por abaixo. Foi unha das contadas chegadas visitantes, que nin con porteira xogadora desde o minuto 34, logrou abrir ocos na perfecta formulación rojilla.
Na recta final, por dúas veces lanzou a porta baleira Silvia, pero o balón foise rozando o poste en ambas. Cos nervios a flor de pel, moito caos e 30 segundos para o final, de novo Mariángeles puido empatar o encontro. O seu disparo, sen oposición e de socato, saíulle centrado e Silvia puido rexeitalo.
A éxtase entre xogadoras e afección desatouse co asubío final. Por primeira vez, as galegas métense en semifinais de Copa, que neste caso por primeira vez será en formato de Final Four. E, por se fora pouco, rompen unha serie de catro derrotas seguidas. A próxima fin de semana, as de Raúl Jimenez quererán trasladar as boas sensacións á Liga fronte ao Universidad de Alicante.
