O Poio viaxa a Madrid para enfrontarse ao Alcorcón na 17 xornada da Primeira División. O partido terá lugar o vindeiro sábado ás 19:30 da tarde no Poliderportivo Municipal Los Cantos entre dous conxuntos empatados a puntos na cuarta e quinta posición da clasificación.
O conxunto galego afronta o partido tras a derrota da semana pasada fronte o Burela, no que foi a cuarta derrota da tempada e a terceira como locais. O Poio conta co dato valioso de que non perde como visitantes desde fai catro meses, dato que queren seguir mantendo na súa visita á capital.
A escuadra conserveira quere seguir mantendo o cuarto posto, que da dereito a xogar o playoff e por tanto pelexar polo título. Esa opcións pasan por gañar o sábado e meter tres puntos de distancia co Alcorcón. As madrileñas, chegan ao partido tras vencer na pista do Bilbo e coa moral polas nubes coa clasificación para os cuartos de final da Copa da Raíña vencendo ao Móstoles.
As galegas visitarán o Polideportivo Municipal Os Cantos sen Antía nin Andrea Feijoo, que xa non puido participar ante as Guerreiras Laranxas. Os pequenos detalles serán claves e decantarán un enfrontamento ao que ambos os equipos chegan con dez vitorias, dous empates e catro derrotas no seu haber. Os 58 goles anotados polo Poio (55 no caso das alfareras) e 31 encaixados (39 no caso do Alcorcón), desequilibran a balanza polo momento cara ao lado das galegas.
Como antecedente, nesta mesma tempada as conserveiras lograron vencer ao Alcorcón na segunda xornada de Liga cun contundente 8 – 2, no primeiro partido do ano na Seca e que supuxeron os primeiros tres puntos para as galegas. Lonxe de aquí, o balance é de catro vitorias, dous empates e só unha derrota (na primeira xornada), con 22 goles anotados e 14 recibidos. Contando a visita do Fisgón na primeira rolda de Copa, o Poio enlaza sete partidos consecutivos fóra de casa sen coñecer a derrota.
Pola súa banda, o conxunto adestrado por Raúl Castro “Piru”, regresa á súa cancha tras dúas xornadas de visitante. Nela posúen un fabuloso rexistro de seis vitorias e unha única derrota (3 – 4 fronte ao Zaragoza), cunha bagaxe de 32 goles a favor e 11 en contra.
