A choiva foi a protagonsita durante todo o encontro no campo da Reigosa. O día estaba gris e foi un presaxio do que iba a ocorrer en terras lucenses. As pupilas de Geluco Villar afrontaron o partido con moitas baixas pero querían acadar unha vitoria na casa que servira como bálsamo ante a mala racha de resultados. Nada máis lonxe da realidade e as galegas caeron pola mímina ante o CE Seagull (0-1).
Tras uns primeiros 45 minutos moi disputados, ambos conxuntos voltaron aos vestiarios co resultado gafas no luminoso. 0-0 e todo quedou para a segunda metade. Villar, adestrador do Friol, destacou o potencial das de Badalona: “Son un gran equipo. Tivemos algunha ocasión pero non estivemos acertadas na finalización. Elas defenderon ben e cunha máis buscamos o empate pero as présas non son boas compañeiras”.
Geluco Villar, adestrador do Friol: “Son un gran equipo. Tivemos algunha ocasión pero non estivemos acertadas na finalización. Elas defenderon ben e cunha máis buscamos o empate pero as présas non son boas compañeiras”.
Tras o tempo de lecer, as visitantes quedáronse cunha xogadora menos por un dobre cartón amarelo que forzou Lucía Pardo. Bo partido da centrocampista galega, a pesar de estar tocada no seu nocello.
A expulsión da xogadora de CE Seagull, lonxe de amedrentar ás catalás, tivo o efecto contrario e puxéronse por diante a través dun gol de Irina. O Peluquería Mixta Friol estivo case toda a segunda metade cunha xogadora máis sobre o verde pero fíxose patente a súa falta de gol e non conseguiu igualar a contenda.
Geluco Villar, adestrador do Friol: “Lucía Pardo estivo a un 60% pero aínda así creou perigo e provocou varias faltas. Unha delas conlevou á expulsión da súa xogadora . O peor é que temos dous partidos fóra, primeiro en Santader e logo en Oviedo”.
As de Geluco Villar tentarán recuperar algunha das numerosas baixas coas que contan para voltar á senda da vitoria a semana que vén. As galegas viaxan a Santander para enfrontarse ao Racing e será unha oportunidade de acadar os tres puntos nun campo complicado.
