O Peluquería Mixta Friol xoga o seu primeiro partido na casa neste 2020. As lucenses queren facer borrón e conta nova. Empezar o ano no seu feudo sumando de tres co apoio da súa afección. Diante terá ao CE Seagull, un gran equipo que está con 23 puntos na zona temperada da clasificación. O partido disputarase no Municipal da Reigosa o vindeiro sábado ás 16:30 horas.
Geluco Villar, adestradador do Friol: “Temos a moitas xogadoras tocadas e lesionadas. Teremos que inventar algo no medio centro, xa que ademais das baixas coas que xa contamos, Lucía Pardo está tocada do nocello e será dúbida para o partido”.
A preocupación do adestrador, Geluco Villar pasa pola plaga de lesións que atravesa o conxunto amarelo: “Temos a moitas xogadoras tocadas e lesionadas. Teremos que inventar algo no medio centro, xa que ademais das baixas coas que xa contamos, Lucía Pardo está tocada do nocello e será dúbida para o partido”.
O técnico galego destacou a capacidade defensiva do conxunto de Badalona e o perigo da súa dianteira: “Elas teñen un gran equipo que defende moi ben, encaixa moi pouco. Ademais teñen a xaponesa Kuwa, que é moi perigosa. Será moi difícil, pero na casa temos que dar a cara e tentar facer un bo papel”.
Geluco Villar, adestradador do Friol: “Elas teñen un gran equipo que defende moi ben, encaixa moi pouco. Ademais teñen a xaponesa Kuwa, que é moi perigosa”.
A pesar das dúas últimas derrotas a domicilio ante o Madrid CFF B e o Alavés, as lucenses queren estrear ano na súa casa con vitoria. Dar unha alegría á súa afección e tentar poñer terra de por medio cos postos de descenso.
