Ourense Envialia leva seis vitorias consecutivas na competición doméstica e visitan este domingo o pavillón de La Granja do Sala Zaragoza ás 12:00. As pupilas de Morenín queren seguir co bo refacho de resultados e poñer patas arriba o feudo maño cunha vitoria. Seguir coa boa imaxe e traer os tres puntos cara a cidade das burgas.
O técnico galego sabe que non será fácil acadar os tres puntos en Zaragoza e espera “un partido difícil e complicado tras unha semana diferente cun partido copeiro o martes. O Sala Zaragoza é un rival que formou un bloque moi competitivo e de moita calidade”.
Morenín, adestrador do Ourense Envialia: “Esperamos un partido difícil e complicado tras unha semana diferente cun partido copeiro o martes. O Sala Zaragoza é un rival que formou un bloque moi competitivo e de moita calidade”.
@nachorego
Ademais de ter unha semana un tanto diferente co partido da Copa Galicia o pasado martes ante o Poio, o conxunto ourensán afronta o partido con total garantías. “Esta é unha semana diferente porque ao final compites sábado xogas martes e volves competir domingo. Non estamos afeitas xogar partidos entre semana pero estamos preparadas tanto física como mentalmente”.
Morenín, adestrador do Ourense Envialia: “Esta é unha semana diferente porque ao final compites sábado xogas martes e volves competir domingo. Non estamos afeitas xogar partidos entre semana pero estamos preparadas tanto física como mentalmente”.
Morenín destacou durante a previa a calidade do Zaragoza e a dificultade de traer os tres puntos a Galicia. “O Zaragoza é un dos equipos que máis calidade desborda na actual competición feminina. É un rival moi competitivo sobre todo na súa pista e vai ser moi difícil puntuar alí”.
Morenín, adestrador do Ourense Envialia: “O Zaragoza é un dos equipos que máis calidade desborda na actual competición feminina. É un rival moi competitivo sobre todo na súa pista e vai ser moi difícil puntuar alí”.
O conxunto ourensán chega coa moral polas nubes e con ganas de facer unha rebelión no pavillón de La Granja. “A vitoria ante Bilbo reforzou ao grupo porque esas vitorias pola mínima reforzan moito. Ademais, o martes creo que fixemos un bo partido en Copa contra O Poio, a pena foi non marcar. Agora temos varias saídas moi complicadas pero imos tentar certificar os play off canto antes e defender a terceira posición. Imos partido a partido. Cada duelo que queda é unha final. As xogadoras chegan ben, nun bo momento de forma, con seis vitorias consecutivas na segunda volta”, sinalou Morenín.
Morenín, adestrador do Ourense Envialia: “Imos partido a partido. Cada duelo que queda é unha final. As xogadoras chegan ben, nun bo momento de forma, con seis vitorias consecutivas na segunda volta”.
As galegas chegan co plantel ao completo coa única dúbida de Sara Santos tras o golpe recibido durante o partido de Copa Galicia entre semana contra a gardamallas do Poio, Silvia Aguete.
