Este sábado, 7 de novembro, ás 18:00 no IDM Fuensanta en Córdoba, terá lugar o encontro entre o Conservas Orbe Rubensa Bm Porriño e o Adesal Córdoba. Este encontro corresponde coa sexta xornada da Liga Guerreiras Iberdrola.
Na pasada xornada, o Conservas Orbe Rubensa Balonmán Porriño impoñíase a un dos favoritos do Grupo B, o Rocasa Gran Canaria, cun resultado de 25-27. Desta forma, as galegas atópanse na quinta posición da táboa. Pola súa banda, o conxunto andaluz ascendeu esta tempada a Liga Guerreiras Iberdrola e aínda non conseguiu ningunha vitoria. Posicionándose así no último posto da clasificación.
“É un equipo que chega nunha situación delicada e por iso quizais sexan aínda máis perigosas” explicaba Ismael Martínez. Ademais, engadiu “é un equipo moi agresivo, que fai as cousas ben”. En canto a súa defensa e ataque, o técnico do primeiro equipo explicou que “é un equipo con bos extremos e que finaliza moito en zonas exteriores.
Martínez, adestrador do Porriño: “é un equipo perigoso e con recursos para gañar a calquera”
O adestrador das galegas afirmou que “Agustina López dálles moito lanzamento exterior e se a acompaña Lucía Vacas no lateral dereito, que está a facer moi boa tempada, creo que é un equipo perigoso e con recursos para gañar a calquera do noso grupo”.
Ismael Martínez recoñece que o encontro vai ser complicado, pero que o equipo se atopa con moitas ganas “nós chegamos ben despois de dúas vitorias e queremos sumar esta terceira.É unha partido chave para poder seguir pelexando polo que queremos, que é estar entre os catro primeiros”.
Por último, haberá un aforo limitado cun máximo de 200 persoas. Para poder asistir será necesario mercar a entrada por un prezo de tres euros. Ademais, tamén haberá streaming para poder gozar do encontro desde casa.
DHF| Aquí os dejamos el enlace del streaming para el encuentro de mañana (18:00) entre el @BalonmanoAdesal
y el Conservas Orbe Rubensa Bm Porriño👇💻🤾♀️https://t.co/fAm3rlQnlE#aRevolta #ligaguerrerasiberdrola— Club Balonmano Porriño (@BmPorrino) November 6, 2020
