O Dépor ABANCA volverá por fin a competir despois de que o mundo e o fútbol se parasen como consecuencia da expansión da COVID-19. Mañá, sábado 3 de outubro, a partir das 16:00 horas estreará a súa segunda tempada na Liga Iberdrola visitando un gran escenario. Será o conxunto visitante nun recinto histórico como o de Lezama para enfrontarse a un dos nomes propios do FutFem español: o Athletic Club de Bilbao.
O partido disputarse en terras vascas e será o primeiro dunha campaña na que as branquiazuis tentarán consolidarse na categoría e afianzar as boas sensacións causadas a pasada temporada, cando foron o equipo revelación.
Na comparativa co pasado curso o Dépor ABANCA rexistra baixas significativas como as de Tere Abelleira, Misa ou Nuria. A cambio reforzouse con xogadoras do filial como Sara Álvarez ou Patri López e con seis fichaxes: Noelia Bermúdez Ainhoa Campo, Stephanie Blanco, Lady Andrade, Helena Torres e Kenni Thompson.
Segundo o adestrador das galegas con respecto ao ano pasado o conxunto branquiazul gaña “en fortaleza física”, e pola contra admite que as coruñesas aínda non están no seu “nivel de fútbol, desa alegría que temos nós con balón”.
Explica Manu Sánchez que aínda “falta traballo”, pero matiza que o Dépor ABANCA ten “as ferramentas para acadalo, eu estou contento. Hai que ter un pouco de paciencia porque o ano pasado tiñamos todo ese traballo feito e agora temos que refacer todo iso dentro da competición, que é moi esixente”.
Helena Torres, baixa no Dépor
Para o debut, o técnico Manu Sánchez disporá de todas as súas xogadoras a excepción da dianteira Helena Torres. Trátase xustamente dunha das fichaxes deportivistas deste verán. A futbolista tivo molestias musculares nos últimos días no vasto medio da súa perna dereita, segundo informa o club, e non poderá ser da partida. Cáense da convocatoria por decisión técnica as xogadoras Kenni Thompson e Sara Álvarez.
O plan de viaxe é o seguinte:
- Viernes 2 de outubro: 20:00 (hora aproximada). Chegada ao hotel Silken Indautxu en Bilbao
- Sábado 3 de outubro: 16:00. Athletic Club – Deportivo ABANCA, en Lezama / Ao rematar, regreso á Coruña por estrada.
AS DESIGNACIÓNS ARBITRAIS DA PRIMEIRA XORNADA DA LIGA IBERDROLA
OS HORARIOS DE TODA A PRIMEIRA XORNADA DA LIGA IBERDROLA
Manu Sánchez: “Chegamos ao primeiro partido nun bo punto, en bo ton”
Horarios Liga Iberdrola Xornada 1
