O Burela xogará unha nova final da Copa da Raíña

O  Pescados Rubén Burela FS estará na final da Copa da Raíña. As galegas vencía ao Arriva AD Alcorcón cun marcador contundente 1-6 avalado tamén por un bo xogo desplegado sobre a pista de Boadilla del Monte. As da Mariña lucense disputarán a final o domingo 30 de abril contra do STV Roldán (verdugo do ENCE Marín Futsal) ás 13:00 horas con transmisión en streaming por parte da Real Federación Española de Fútbol (RFEF).

O cruce de semifinais entre o Pescados Rubén Burela FS comezou cuns primeiros compases de tanteo, aínda que, aos poucos minutos de xogo, foron as galegas as que comezaron a mostrarse superiores, facéndose co control do partido e as ocasións.

Unha dinámica positiva coa que terminou chegando o primeiro tanto do encontro. Foi aos tres minutos de xogo, cando Peque inventouse unha asistencia de ouro para que Dany puxese o 0-1 cun remate a pracer.

Tras o tanto conseguido, o cadro lucense non se conformou coa vantaxe e mantivo o pé no acelerador, gozando de varias ocasións para aumentar a renda ata que, xa moi preto do ecuador da primeira metade, Peque serviu desde o costado para que Antía Pérez prolongase ao primeiro pau e Irene Samper puxese o 0-2 cun remate no corazón da área, segundo informa a RFEF.

Na recta final do primeiro tempo de xogo, o dominio seguía sendo do equipo galego que adestra o técnico Julio Delgado, aínda que non tardaron en cargarse de faltas, atopando o cadro oleiro unha boa oportunidade para provocar un xiro de guión. E así foi.

A sexta falta do cadro galego non se fixo esperar e, aínda que Jozi logrou deter o lanzamento, o partido entrou nunha fase de ida e volta na que Clau López logrou recortar distancias para as madrileñas cun potente disparo desde a frontal que supuxo o 1-2 co que se chegou ao descanso.

Puntilla do Pescados Rubén Burela na segunda parte

Xa na segunda metade, o Pescados Rubén Burela FS recuperou o dominio que durante tanto minutos gozara desde o inicio do partido e comezou a cultivar ocasións para ampliar a vantaxe. Un bo facer que terminou dando pé aos goles de Patri e Emilly, que supuxeron o 1-4 a falta de doce minutos para a conclusión.

Un tramo final no que, ao contrario do que sucedera na primeira metade, o conxunto oleiro cargouse de faltas, algo que non dubidaron en aproveitar as lucenses para xestionar o seu dominio e conservar a vantaxe. Un contexto no que  o adestrador do Arriva AD Alcorcón Guillermo Camarón optou polo xogo de cinco para tratar de remontar a contenda.

Xa nos minutos finais e con todo a favor, o cadro das Guerreiras Laranxas logrou sentenciar o partido aproveitando as circunstancias con outros dous goles de Peque, que primeiro anotou desde o seu propio nun erro no xogo de cinco das locais e logo logrou materializar un dobre penalti para asinar o seu hat trick e poñer o 1-6 co que se chegou ao final.

Julio Delgado: “Fixeron maxia”

FICHA TÉCNICA

1) ARRIVA AD ALCORCÓN: Estela, Aída, Laura Sánchez, Nere Moldes e Marta Nuño

6) PESCADOS RUBÉN BURELA: Jozi, Emilly, Irene Samper, Peque e Dany

EQUIPO  ARBITRAL: Andrés Botella López e Sara Gutiérrez Echevarría

GOLES: 0-1 (4’) Dany. 0-2 (8’) Irene Samper. 1-2 (17’) Clau López. 1-3 (25’) Patricia. 1-4 (28’) Emily. 1-5 (34’) Peque. 1-6 (36’) Peque.

INCIDENCIAS: Pabeillón Felipe VI de Boadilla del Monte.