O Autos Cancela Zalaeta visita esta fin de semana ao Arona Tenerife Sur. O partido está fixado para hoxe, sábado 21 de novembro a partir das 18:00 (hora penisular). Na mente das coruñesas, asentarse na zona nobre da táboa clasificatoria.
As xogadoras do Autos Cancela Zalaeta que adestra Jorge Barrero viaxan a terras canarias á procura de manter a súa ubicación nos postos altos da táboa clasificatoria. Sobre o papel, o conxunto tinerfeño debera ser asequible para as coruñesas, pero será o xogo desplegado sobre a cancha canaria o que determine quen leva os puntos en disputa.
A pasada semana as coruñesas do Autos Cancela visitaban ao Sanse e saían vitoriosas. En terras isleñas procurarán repetir o triunfo do pasado curso 2019-2020, aínda que é obvio que todo mudou no deporte e na vida do ano pasado a este.
Actualmente, o Arona Tenerife Sur ocupa a penúltima praza da taboa clasificatoria, mentres que as galegas son cuartas a catro puntos das líderes, o CV Leganés.
Nesta xornada o Extremadura Arroyo vivirá un dobre compromiso, precisamente un dos seus partidos será contra o rival das herculinas.
As extremeñas buscan remontar postos na zona alta da clasificación. Unha cuestión factible, dado que as líderes, o CV Leganés teñen xornada de descanso.
Así, neste Grupo A da Superliga Feminina 2 as pupilas de Flavia Dias vanse enfrontar hoxe sábado co CV Torrejón e o domingo ao Arona Tenerife Sur.
Tamén nesta xornada e neste grupo, o VP Madrid (segundas clasificadas) e o Futura Center Arena Rivas (colista) protagonizarán un duelo entre madrileñas.
Outro equipo con xornada dobre será o CV Sestao que se medirá primeiro ao Futura Center Arena Rivas hoxe sábado, e mañá domingo ao Vóley Sanse Live Vuvuzela. É dicir, dobre visita a terras madrileñas.
Torrelavega 1895 e RGC Covadonga protagonizan nesta xornada un dos cruces clasicos da Superliga Femenina.
