O Viaxes Amarelle xogábase a todo ou nada a permanencia e saiu cruz. As coruñesas perden a categoría tras caer derrotadas por un 1-2 na prórroga do duelo ante o Joventut D’Elx, que pasa a ser equipo de Primera División.
As herculinas despiden así a máxima categoría, despois dunha tempada complicada na que tiveron que loitar pola salvación ata o último momento. Con este resultado, unénse ás galegas do Cidade de As Burgas no descenso, deixando paso ao Marín Futsal, que porén acadou o ascenso precisamente ante as ilicitanas.
Histórico ascenso do ENCE Marín Futsal que xogará por vez primeira na elite estatal
O Amarelle loitou ata o final
O partido comezou cun Viaxes Amarelle iniciando cunha presión alta de balón sobre un rival que apostou por esperar en media cancha. O conxunto herculino conseguiu chegar en varias ocasións con perigo e meterse de cheo no partido, véndose superior ao seu rival. Malia o gran partido, o encontro íase ao tempo de descanso cun 0-0 no luminoso.
Tras a reanudación, a dinámica do encontro seguía o mesmo guion e o conxunto coruñés lograba adiantarse no marcador a falta de trece minutos para o final, cun gol de Anna Escribano. As xogadoras do Amarelle non alteraron o seu xogo e continuaron despregando un gran esforzo físico sobre a pista.
Pola súa parte, o Joventut D’Elx non baixaba os brazos e optou polo xogo de cinco a falta de catro minutos para o final. Carol finalizou entón no segundo pau un ataque, poñendo as táboas no marcador, provocando o tempo de prórroga tras finalizar o reglamentario cun 1-1.
Neste tempo engadido, o cadro coruñés continuou moi activo, pero o pavillón de Elche deu folgos ao seu equipo, que se adiantou na primeira parte da prórroga cun gol de Aitana. Aínda quedaba partido por diante, e o Amarelle apostou polo xogo de cinco. Tras varios intentos sen éxito, o encontro remataría cun 2-1 que provocaría o descenso galego.
O cadro herculino despídese da Primera División con 26 puntos e un coeficiente de 1,04. Na vindeira tempada, as coruñesas traballaran desde a Segunda División por volver á categoría de ouro.
A galería do partido
1. O Amarelle perde na fase de promoción e descende de categoría / AMARELLE
O Amarelle perde na fase de promoción e descende de categoría / AMARELLE
2. O Amarelle perde na fase de promoción e descende de categoría / AMARELLE
O Amarelle perde na fase de promoción e descende de categoría / AMARELLE
3. O Amarelle perde na fase de promoción e descende de categoría / AMARELLE
O Amarelle perde na fase de promoción e descende de categoría / AMARELLE
4. O Amarelle perde na fase de promoción e descende de categoría / AMARELLE
O Amarelle perde na fase de promoción e descende de categoría / AMARELLE
5. O Amarelle perde na fase de promoción e descende de categoría / AMARELLE
O Amarelle perde na fase de promoción e descende de categoría / AMARELLE
6. O Amarelle perde na fase de promoción e descende de categoría / AMARELLE
O Amarelle perde na fase de promoción e descende de categoría / AMARELLE
7. O Amarelle perde na fase de promoción e descende de categoría / AMARELLE
O Amarelle perde na fase de promoción e descende de categoría / AMARELLE
8. O Amarelle perde na fase de promoción e descende de categoría / AMARELLE
O Amarelle perde na fase de promoción e descende de categoría / AMARELLE
FICHA TÉCNICA
VIAXES AMARELLE: Leti Rojo; Anna Escribano, Lau Doce, Candela y Patri Romaní -quinteto inicial-. Tamén xogaron: Patri Corral, María Gómez, Cris, Yaiza e Sofía.
JOVENTUT D’ELX: Anais; Claudia Terrés, Clara, Aitana y Judith -quinteto inicial-. Tamén xogaron, Bet, Sara Roelas, Eli, Paula, Cárol, María Pérez e Peque.
GOLES: 1-0, min. 28 Anna Escribano; 1-1, min. 39 Carolina Andrade; 1-2, min. 43 Aitana Olaso
ARBITRAXE: Hidalgo Marín e Martínez Martínez do colexio murciano. Recibiron tarxeta amarela Yaiza e Patri Corral do Viaxes Amarelle.
INCIDENCIAS: Partido correspondente á fase de promoción da Primera División, disputado no pavillón Esperanza Lag de Elche. Gardouse un minuto de silencio pola morte da nai de Tana, xogadora do Amarelle.
