Segunda xornada e segundo triunfo para o Autos Cancela Zalaeta na Superliga Femenina 2. Nesta ocasión as xogadoras que adestra Jorge Barrero impuxéronse a domicilio na cancha doVóley Sanse Live Vuvuzela por un claro 0-3 con parciais de: 23-25, 15-25 e 13-25. Na primeira xornada xa gañaran ao VB Almendralejo Extremadura tamén por 3-0. Esos seis sets a favor e ningún en contra coloca ás galegas líderes na SLF2 Grupo A.
O conxunto herculino foi quen de mandar desde o arranque do partido e vencer ao Vóley Sanse Live Vuvuzela na súa cancha en tres sets. O máis axustado sería o primeiro no que o Autos Cancela Zalaeta tivo máis resistencia por parte das súas rivais. Así e todo, as coruñesas vencían por 23-25 e adxudicábanse o primeiro set.
No segundo set o Vóley Sanse Live Vuvuzela non foi rival para o Autos Cancela Zalaeta que mandou na cancha e no electrónico cun tanteo final de 15-25.
A puntilla puxérona as coruñesas do Autos Cancela Zalaeta no terceiro con outro contundente tanteo, nesta ocasión un 13-25 que deixaba o partido cun 0-3 final.
O resultado coloca ao conxunto coruñés, representante do volei galego na SLF2 comandando a clasificación tras dúas xornadas con seis puntos. A súa traxectoria ata o momento, con seis sets gañados e ningún perdido, coloca ao equipo que adestra Jorge Barrero ao frente da táboa, aínda que so se levan disputadas dúas xornadas.
FICHA TÉCNICA
0) VOLEY SANSE LIVE VUVUZELA: Diana Monterroso (2), Martina de Román (7), Noelia Reyes (-), Valeria Viroomal (1), Paula Pereira (2) e Paula de la Cruz (6), Alicia Oliva Arnanz (-) (líbero) – septeto inicial -. Tamén xogaron: Marta Manzanares (11), Carla Muelas (-), Estela Andrés (2) e Sofía Fernández (-).
3) AUTOS CANCELA ZALAETA: Alba Quirós (16), Emma Ordoñez (12), Eleonora Guzzi (7), Sara Urrea (5), Irene Yáñez (5) e Cecilia Thon. Paula Lorenzo Santos (-) (líbero) – septeto inicial -. Tamén xogaron: Patri Santos (-), Claudia Gómez (1), Laura Vázquez (1), María Forteza (-), Carmen Carvajal (2) e Inés Rivas Fiel (6).
PARCIAIS: 23-25, 15-25 e 13-25.
EQUIPO ARBITRAL: Francisco Barbosa Martín, Berta Arruabarrena Bonilla e anotadora Inés Simón del Collado.
INCIDENCIAS: Partido da segunda xornada do Grupa A da Superliga Femenina 2 de voleibol disputado no pavillón polideportivo Eduardo López Mateo de San Sebastián de los Reyes. Ante uns 50 espectadores.
